Ebraniya 10 - NEAJEEDA EESH BEA BUUNEESSEAN

¹ Nea deaweeda ii jirooneeda ng'asheega miyaas jea gwahidu, ak ea mii ormeeda huumwa bea haleanjeetta, ea mayghoaw, aba lukghumeedida duu ettayyiida aba gilakkweayiin, ak ghoammiidu fukka nekkiissean.

² Earagwasa, gwachchi ea majea nunung'waada gidaydeayda? Ak abeeda fuga moora isimmiidu nibwagi, ea mudugwandeawa gipkeatta ring'eeda.

³ Nea aba lukghumeani iissa ghwanung' eapkaat ring'eeda aba gilakkweay.

⁴ Aba gideaba maygwasa gideaba gaygageanda ring'eega foojeanda jiirgwa ea gea nooga.

⁵ Earagwasa, damanda hinna Gristo jeeda ng'eanyiida, gwayi, “Lukghumeeda ea haleanjeeda sisappa geadi bea ghadooweeda ghanyea migassi, nea saseeda ea nisinnean aniini;

⁶ aba lukghumajeega sughwarda ea haleanjeeda sisappa geadi aba ring'eeda ghanyea mihoosassiini.

⁷ Ak geayeennyi, ‘Ean naawunnyi dasin gidigasayi, Ea Aseetta, gawuurji gisung'waarda appadaydeanyu aba jeeda gittaabu.’”

⁸ Damanda eneewa aba heettiyeada, “Ak ghanyea miigassa ghana bwariinya lukghumajeega ea haleanjeeda sughwarda sisappa geadi ea haleanjeeda sisappa geadi bea ring'eeda” (suu geattayda aba naweeda deaweeda),

⁹ ak gabiikta ghoahaat nea gwayi, “Ea, Naawunnyi dasin gidigasayi.” Niny gwanyarja dea madeeda ak abeeda ghoang'eat deabiyyeenya.

¹⁰ Ak abeeda aba gitta gasean abeeda gajeammiinneasa aba naweeda haleanjeeda sisappa geadi was saseeda Yeesu Gristo nibwagi ak ea majeebiikta.

¹¹ Nea iissa ghamiinaada ashoohoochcheanda galeagasean damanda gadiyeadaannyi, ak imisean ghoadayda lukghumajeegiga bea galeagasean, moammu gageanda ring'eegean.

¹² Nea Gristo iyadayda nibwagi lukghumeeda aba ring'eega, hean goopteada aba meatkweeda geattinda dugwa bea Aseetta,

¹³ hean ghoamuughu ea eayiin weajoodigaaschi ghoaw hoorgeeda geeshangaaschi.

¹⁴ Nea aba giidaydeawagi bea haleanjeeda sisappa geadiin ea ninung' ghwahit fukka sean simmiiduun aba damannyoojiga sean.

¹⁵ Ak gamuuwwuneasa Gurorooda Ghaydit nea gwayi,

¹⁶ “Nii neajeeda jea dasissa saawa iing'atta askwearjoojikka, aba girrugu Ng'uttamiida: Gaydayiin diigheannyeekkeasu jeesinga guroruunatka nyaawa, ak geang'oorsi jeesinga fughareenga nyaawa,”

¹⁷ Ak gabiikta ghoahaat gideaba, “Mayguttabiikta daapkaat ring'eega nyaawa ea ng'asheega munyas sina earahay.”

¹⁸ Heeda mida samsiindeaba ng'asheesu, ea maygudu gabiikta giidaydeayda haleanjeeda sisappa geadi appadayda ring'eeda.

Eneekkiissina Aseetta

¹⁹ Asi, fuga eaduupcheewi, dea sumwasi beatta heeda Ghaydit aba foojeanda Yeesu,

²⁰ aba naweeda eesh mideawa eaweega janneasa aba naweeda ghamarda beashooda, nea appadayda saseadaannyi gil,

²¹ amaduw nea gendeawi ashoohoochcheanda haw haweewa gheeda Aseetta,

²² ghang'wana geneekkiissi nea geebeayi guroruunatka huumwa nea geesikteawi muuchchi masaweega, nea geappuunna guroruunatkaasa aloheeda ak geang'ami ng'asheega munyas ak gehhuun sasanuukkaasa aba beega miyaas.

²³ Gagasa eang'ng'waanya muuchchi duukkuunooda sirarji nea mwabealbeala, aba gideaba siida rugu nea gohelleesi ea doabiiwaat;

²⁴ ak geanalli gichchea eanung' gabarinnyiida geat buuneeda ea gadiyoojiga miyaas,

²⁵ nea adeanung'waadi badoodeaba geat, ak geesinnyi seareeda fuga mwaatkwa, gidabal gaba siisi amajeek nuut, nea aba sean ghoadaayi gideaba Eaweettida girgweaksiinda nineekkiit.

²⁶ Nea iisisinnyi ring'eeda aba baysiinda nea sinyaschi fughareeda huumeanda, abeeda eamaygwanda lukghumeeda appadayda ring'eega,

²⁷ nea gwanda furdeayda girgweaksiinda jea ghoabeal buuneeda, ea beasta ng'waan jea ghwaak fuga was weajoodiga.

²⁸ Nea siida fool deaweedeeda Muusa iissa ghami nea meabwayda aba ghuusisba muushoodi iyyeenya ghanea samwagu gil.

²⁹ Abeeda iing'ulayi gajeamuydaan girgweaksiinda jea ghwanyas fuga ghasghas Balleanda Aseetta, nea ghabwara ririnnyeanda foojeanda neajeenda ghayi simmiinna, nea ghoanyareas Gurorooda dagheerjeandumeeda?

³⁰ Aba gideaba geanalli aseasa siida ayi, “Mureandooda deanyu, gaydawalda aniini.” Nea gwayi gichcha, “Ng'uttamiida gaygoorgweaksa fugaaschi.”

³¹ Nii gidahaloat gil gideaba gajabeedeaysiina geattinga Aseetta mideawa eaweega.

³² Asi apkaada askwearjoojiga ghayi bea mwadi damanda sippwaanyaneey, hean ghoarjeang'di ng'uchcheeda ng'waan ea sawanadeeda,

³³ nea hich iissa geng'ng'ewweegwa nea geesawaneegwa, nea hich gokkuuyi geadi sea fukka sisma ng'asheesuun.

³⁴ Aba gideaba nondeawi baydeayda appadahuukka fuga mida ghealooniga, ak ghoamwaschi nea gohoosannyi aba gireetta haleanjeedeang'wa, nea ghoanalli gideaba agooga gondeawi haleanjeeda miyaas jea ghwashng'u.

³⁵ Asi adiiduw goojakti gidoararji, mideawa gimearda haw.

³⁶ Asi gagasa andeawana riyeeng'deayda, ak abeeda goosinnyi gidagasa Aseetta ak ghoanyaschi gitta sihelleesean.

³⁷ “Asi gudughwashoada gheadi nuwaas, ak abeeda dea jea ghwahidu gayghwahidu ak ea mayghwashing'da;

³⁸ nea siideanyu doabiiwaat gaygoobiideawa masaweega, ak iiraay ak gabiikta bwadaw, ghanyea maygahoosan guroroodeanyu aba niny.”

³⁹ Ak aseasa ea mebeahi jeedeaba fukka biikta bwadaw ak gealas uhuudean, geebeayi gea mideawa masaweega nea gafur guroruunatka nyaawa.