Ebraniya 1 - NEAJEEDA EESH BEA BUUNEESSEAN

Ng'asheanda Aseetta aba naweeda Balleandaannyi

¹ Aseetta ghayi gobalool ghwaanigaasa aba ghuusiga sibanga aba naweadinga saang'a ea damannyoojiga saang'a;

² amaduw aba mudeanoodeaba askwearjoojusu goobalooleasa aseasa aba naweeda Balleanda, ghayi loat ghoaw siida jea gwahearan haleanjeessean, ak aba niny gwasin ng'eanyiida appadaydeaba niny.

³ Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Hawunda Balleanda Aseetta

⁴ Ak ea sunung' gwaheedu ea ghoadaraam malaykajeega aba gideaba gheawunga ninyas ahaweewa ea ghang'al gaanyaawa.

⁵ Neada Aseetta ea niyeeshsha ana malaykajean, “Ang'iing'i nuwosi Balleandeanyu, askwareani neajiilleey?” Ghana gichcha, “Aniini gaydoaw aba headaannyi ghweanda, ak gayghoaw aba heedeanyu balleanda?”

⁶ Ak gichcha, iyeadu duweachcheadaannyi badayda ng'eanyiida, gwayeeshsha, “Nung'waada ghaghadoawan niny malaykajeega sean bea Aseetta.”

⁷ Gwayi aba heeda malaykajeega, “Gwasin ng'eaha meang'eega malaykajeega, nea ghwanung' ghoaw soomjoogaaschi ng'ushapta beasta.”

⁸ Ak gwayi appadayda Balleanda, “Horgeadaang'u, Ea Aseetta gaba eaweega manda muudeanooda, sugoochcheandumeeda doobiiw sugoochcheameeda gheambalmeedaang'u.

⁹ Gibwariinyi doobiiwnatta ak gisti fuga mandeawana deaweeda; asi Aseetta, was Aseettaang'u nimwaarnyi aba nagheeda hooseaneega ea ng'ala bareandaang'u.”

¹⁰ Ak, “Guwosi, Ng'uttamiida, ghayi sin ng'eanyiida aba mwadi, nea humng'eeda ea gadiyeeda geattingaagu gil;

¹¹ suu gaygameewa, nea ang'iing'i gajabiidana; ak gaygawoosiidi sean ea gawuurji hang'da,

¹² gawuurji hang'weakka gajeammughuushghuush, ak gajeayam. Nea ang'iing'i guwuurjeewi gideawoojusu, nea gweannyeakkaaschi ea maygammuudean.”

¹³ Ak ea niyeeshsha ana malaykajean, “Apteada aba meatkweeda geattindeanyu bea dugwa, ea dayiin weajoodigaagu ghoaw hoorgeeda geeshangaagu?”

¹⁴ Neada malaykajeega gadiiyi ghayi sichcheagu gagadiiyeesa, appadahuukka fuga jea ghwanyas lealeanoodeani?