2 Goriinto 7 - NEAJEEDA EESH BEA BUUNEESSEAN

¹ Iinukkwa gendeawi hellesiini fugeasu abwariinyi, abeeda ghang'wana geehhuunnyi geat aba ririnnyoojiga sean bea saseeda ea gurorooda nea geemmajeekchi ghaydidanda aba gheawalmeeda Aseetta.

Hooseaneega Baulo

² Ajanneasa guroruunatkeagwa, aba gideaba miyeettiiysiina eara sih, ak ea miyeang'ala sih seawshooda, ak ea miyeanyagaada aba hichpa sih.

³ Aniini mearukuni ng'asheanji aba giirgweaksiindeang'wa, aba gideaba neabay dargu ammwadi gideaba agooga goondi jeeda guroruunatkaasa, iisimewuudayi ghana iisindeayi.

⁴ Ak geandeawi muraneandumeeda haw appadahuukkeagwa; ak gaydaghwar geaw muuchchi appadahuukkeagwa; ak ea naanyaschi hawdeayda. Earaba sawanaduutkaasa, aniini geahoosannyi muuchchi.

⁵ Nea eara damanda sihittaawi Makkedoniya, ghanyea mwanyasa sasanuukkaasa hawdeayda geanyaschi sawanaduutka aba gheatkweakka sean ak geeng'uchchi appwadaw, nea jih gwanda muuwda.

⁶ Nea Aseetta, geanniida salgheang'da fuga giisan, gageanda salgheang'deanya aba hinnooda Ditto,

⁷ ak ea meakghusa hinnoadaannyi ghabwada geandeayda salgheang'da gawuurji gidaghayi ogeandeaydi salgheang'daannyi, gawuurji girrukuneasa bea gidoogassiidi, ea gidogiisandi, ea gidogassiidi weetteanyu, ak abeeda geahoosannyi muuchchi.

⁸ Aba gideaba earappeadi nanyareascheagwa aba barawajeandeanyu, maydagiisan aba gili (earappeadi neagiisannyi aba giliiin,) aba gideaba ghadaayi gideaba barawajeandida niinyareaseagwa, earappeadi gheadi nuwaasi.

⁹ Aba giduurji, neahoosannyi, nea meakna gideaba gogiisannyi agooga, gweagu gideaba geanung' agiisan ea eanung' aduukkuunana; aba gideaba googiisandi fuga bada Aseetta, ak ea mwageagwa lugooda aba badahuukkaasa.

¹⁰ Aba gideaba giseaneega fuga bada Aseetta iissa gweadu dukkuunooda eadu lealeanooda ak ea manda gichchea ghwanung' giisana, nea giiseaneega muunda ng'eanyiida gaygweadu miyeeda.

¹¹ Asi ang'ulla badiini bea fuga bada Aseettean gaygwanyakneegwa naaha agooga, ak ea gassoomba naaha bea furoodeaba geediin, nii ana nyaras gil, nii hirbabandeemba naaha, bariinyeespa naaha, giidaydeaydeaba geaw bea naaha, ghoorjoomba naaha! Aba gheatkweakka sean noahhiimu geat gideaba mondeawani ramaseamba gil aba ng'asheanji.

¹² Asi earappeadi eang'oorneegwean, mwang'waari appadaydeaba siitta adiiyiin, ak ea maba badaydeaba siitta sittiysean, geebaysiina gideaba bariinyeegeagwa aba heedeanya gajeattajiit aba heedeang'wa aba madeeda Aseetta.

¹³ Asi gegeandeawaneasa salgheang'da. Nuut aba geandeayda sigeandeawaneasa salgheang'da geehoosannyi muuchchi aba hooseaneega Ditto, aba gideaba fughareadaannyi noanung'unyi oagasean gafuuf.

¹⁴ Aba gideaba iyaaghwarji geaw aba madeadaannyi aba ng'asheanda wassean appadahuukkeagwa, ea maydabwaspwas; gaygawuurji haleanjeesean surukuneegwa huumwa gil, ak eara ghwaroodeang'wa bea geat ammadeeda Ditto ea niiw huumwa.

¹⁵ Nea guroroadaannyi iissa gwaritta damannyooji sean appadahuukkeagwa, iyapkaat mureedeang'wa bea oagasean, ea muuwda ea boodanda damanda oang'ng'waanyi niny.

¹⁶ Geahoosannyi, aba gideaba geandeawi masaweega muuchchi aba badahuukkeagwa.