2 Dimoteo 2 - NEAJEEDA EESH BEA BUUNEESSEAN

Shirkarajeanda doobiiwaat bea Yeesu Gristo

¹ Asi agn'iing'i balleandeanyu, darusiida aba jeetagheerjeandumeeda mida jeeda Gristo Yeesu.

² Ak ng'asheega ghayi iyiingsi heedeanyu aba madeeda muushoodiga saang'a iina ng'asheega geatinga fuga doobiiweadi jea ghoamu ghwanal suurja.

³ Eppareannyeena sawanadeeda sea aniini, gawuurji shirikarajeanda doobiiwaat bea Gristo Yeesu.

⁴ Shirikarajeanda mida jeeda ng'ucheeda maygwadeawiit aba haleajeeda munda ng'eanyiida aba gideaba gaygoohoosan shirkarajeandaanyi haw.

⁵ Eara siida igalleada aba jeeteangheeda mwajeataw shiipka imagaleada muuchchi.

⁶ Siida barooda siin gadiyeeda hang'waay gamiisa gideaba gayghwanyas haghweega madeeda.

⁷ Ateemsheesiina muuchi ng'asheesu sean earuguun, aba gideaba gaygagoonyi Ng'uttamiida fughareeda appadayda ng'asheega sean.

⁸ Appkaada Yeesu Gristo, dea ghayi duunna miyeeda, bea dooshta Dawdi, gawuurji gidanyashta Giijasteanyu.

⁹ Aniini geesawanan appadaydeaba Giijasi miyiin, ea eeyaadan ghealooniga dawurji siida siin ng'asheega munyas, ak ng'asheega Aseetta ea mwajeerat.

¹⁰ Ak aba sareani geamilikteaysi ng'asheega sean aba badayda fuga loat Aseetta, gideaba eara saawa ghwanyas lealeanooda mida jeeda Gristo Yeesu ea giigheambiitta ea eaweega manda mudeanooda.

¹¹ Ng'asheanji gamiisa masaweega. Gideaba “Aba gideaba isiimeewuday sea ninyi gajeepiidana sea ninyi.

¹² Nea isimilikghiti, gajeembalischeena sea ninyi, Nea isiheawu ninyi, ninyi earada gay ghwaheawaneasa.

¹³ Nea aseasa imeawasi doobiiweadi, ninyi doobiiwnattaanyi ea maygoosha. Aba gideaba ninyi mwayghaheawa geaw.”

Siida gadiyeeda mwas Aseetta

¹⁴ Apkeasiina fugaagu ng'asheesu nea gireekusi aba madeeda Aseetta gideaba ghwoabuut ng'asheega galleadayda gea mwalooda gil nung' gwarooda fuga aleeysiiti.

¹⁵ Milmiliida eadaanyi gideaba nimwasnyi Aseetta, siida gadiyeeda mwabwaspwasa aba gadiyeedaanyi, ak ginaali ng'asheanda huumwa aba gidamisiinda.

¹⁶ Ang'aamwana geaw ng'asheega mwaloada gil, mawoosa gea diiniin gikka mwamwasa fuga Aseetteani, aba gideaba fuga sunu gayghwabitta jeeda ng'asheega munyas.

¹⁷ Ak ng'asheanda nyaawa gaygageawiit iitta ea gawuurji udamusuura. Aba jeedeaba suuk gwanda geaba Himenayo ea Filetto.

¹⁸ Nea saawa ea ninung'waada naweeta bea humeandean nea geebaloola gideaba duunooda goolla ghwahidu, ea ghwayam masaweega buuneeda mwaatkwa.

¹⁹ Ak sindeetta ghayi inni Aseetta ea nimiinaada nea majeek, nea uhuudaanyi geengoorsa ng'asheesu, “Ng'uttamiida ghwanal gea was gaaschi.” Ak gicha gilinyoo gwarukku gheawunga Ng'uttamiida adanung'waada ng'asheega munyas.

²⁰ Aba jeeda gheeda haw manda dabita gharinga meangmeang'i ea dabitta gharinga ak ea mabeachi suu, gwanda eara gea geediga ea gea sigeeda suuk gwanda gea mureeda suuk ea mandeawana.

²¹ Ak siida iamiidu geaw ak gooheelli geaw ng'asheesu munyasiin ninyi abeeda gayghoaw dabicheanda siihuun ak ghwanyas mureeda haguuwsa Ng'uttamiida ak sinoodaanyi geebaysiina gwasin gadiyoojiga sean miyaas.

²² Asi mang'wana ng'asheega munyas bea gheareemaneandumeeda wa geawunda gheang'da, aada geeshta ng'asheega doobiiwnata ea masaweega ea bariinyeega ea hoyyoo sea fuga sean guurriisa Ng'uttamiida aba jeeda miy.

²³ Asi heawana sheang'nyeeda leendeeda manda jeeda fughareeda, ak ginali gideaba sheang'nyeeni gaygwaji jaliida.

²⁴ Ak ea mamiisiina siida gadiyeeda Ng'uttamiida gaba jalliida, gamiisa gideaba gajeagarbabu aba heeda buuneessean, bissa nala gooneashi ak gamilikiida ng'asheega.

²⁵ Aba damandida rekkusiina fuga mwamwasa ng'asheegaashciin, gamiisa ea garbabu aba gideaba ideapa gwasa gwadeapa ghwaadaw Aseetta fiisu duukuunooda ak ghwanal humeanda.

²⁶ Ak gabiiksa fughareenga nyaawa, ak gwaritteawa jeeda gadageeda Shattan ghayi ang'waay saawa ak gwasin gidagasiida Shattan.