1 Desaloniikke 3 - NEAJEEDA EESH BEA BUUNEESSEAN

¹ Asi aba damanda mudeammuuseewana eamilikghta gichcha, geadaayi ghwahit geanung'waneasa bwadaw ng'eanyiida Atteene nea geabwaageat.

² Ng'atta gechcheagu orjeediyya was Dimotteo, was soomjeanda Aseetta bea Giijasta miy bea Gristo, goodiing'u masaweegeagwa ak goomajeegeegwa,

³ ak siida ea adagwahirbaban aba sawanaduussu, aba gideaba agooga ghoanalli beadi sugooneasa ng'asheanji.

⁴ Nea aba damanda sindeayeewi sea agooga geebay erukuneegwa gideaba gajeanyasa sawanadeeda; ak gawuurji gidahittaayda, ak ghoanalli.

⁵ Gwasnu earaniini aba damanda muttammuuseawa gichcha milikghteayda, geajeagu siida danal masaweegeagwa, aamwahinna siitta jea gwasmeegwean ak gwasmeegwa, amaduw gaba gadiyeedeanyu mwadaagha.

⁶ Hean ghamneawa nea ghwahidu heedeanyu Dimotteoyda leabu heedeang'wa, ak gweanneesa giijasta miy bea masaweegeagwa ea bariinyeegeagwa ak gwargu gideaba ghoapkachcheasa galeagasean, nea googasayi deakteanya, gawuurji gissigassiidi aseasa deakteang'wa agooga,

⁷ Fuga eaduupcheewi, abasareani earappeadi sindi jeeda sawanadeedeanya sean ea giseaneega sihawdi isinyaschi iitteang'wa aba naweeda masaweegeagwa;

⁸ Aba gideaba ghamneawa gendeawi eaweega, aba iyoaminaadi nea gomajeekchewiidayi aba heeda Ng'uttamiida.

⁹ Aba gideaba gajeammuusa eattawdaan Aseetta badiischooda appadahuukkeagwa, aba hooseaneekka sean sindeawiin. appadahuukkeagwa aba madeeda Aseetteanya.

¹⁰ Nea ghoamwaashchi Aseetta muuchchi eawa ea askweari ak abeeda geadaayi gheanyangeagwa nea geesissinnyi ng'asheega ashoay bea masaweegeagwa.

¹¹ Asi Aseetteanya was Ghweandeanya sea Ng'uttamiideanya was Yeesu gagasa ghoadoabiiw naweedeanya ea eahinna heedeang'wa;

¹² gagasa ghwanung' Ng'uttamiida oahhaadana nea gooppiidi jeeda bariinyeegeaba geat, aba heeda buuneessean, ak gawuurji gissisindi aba heedeang'wa,

¹³ ak gomajeek guroruunatkeagwa ea meyeatteeweegwa ghuusi aba ghaydidanda aba madeeda Aseetteanya was Ghweanda, aba damanda jea ghwahinna Ng'uttamiideanya was Yeesu sea fugaaschi sean ghaydidi.