Héberew 3 - Fayam Midhab Yiesu Kiristoká He Hol Af Iđiny KaanakáYíésu hé Móshe ˈdú ˈdúwa 1 Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía. 2 Hát káána Móshe he lullé ˈdaa gál Waaˈgietka Waag hí geđicheká lulle el gaa igire-, Waag af ˈduwasieká, Yíésu hé Waag hí ali gáá kaayyééllá úba af ˈduwasie. 3 Hát káána máá ˈbíl ˈdiˈdisoká ˈbíllé he ˈdisseká súm ˈdú ˈdúwáállá, Móshe ubaa Yíésu gál naamáállá máá ke súm ˈdúúw shiguoká he Yíésu. 4 ˈBíl máádháto hí ˈdiˈdisa, tá he met lulle Máá hí ˈdiˈdisoká he Waag. 5 Gál Waaˈgiet ˈdaalle ˈdugaka Móshe he gédéch hé Waag hí gedicheká el gaa igire-, he nannieká. Hé muí nanníéllá he hé Waag hí waaséél biiy yé gáá ˈdeeycheká hol ki eg. 6 Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka. Iiy yeen đídha il gíl gaa helitlé 7-8 Aaléka, Hím Naasan Waaˈgiet kieye, Hát káána gálkícho ˈbakat álleka Waag af ma ˈduwâny-, Waag gíl sug ki hayká, kúlíchallá har hí Waag afle maalleka, haí met googonôny. 9-10 Ál ˈbakate kinaal hé ˈduuˈdúwa-, yú warram tomonaam afur gaa eekemeyká gáál íllé gaalí ki arge, kor gaal hé ye af ma ˈduwâny, gaal ye gíl sug ki hay. Hé kinaallá ˈdugaka in yú gál bar kinaallóóllá ˈdú idhane, yú kieye, Gáál kasle aadh lullé ye haađicha, gaal hé ˈgierim yú ki fedoká mé ma ká ˈgany. 11 In aaléka yú idhane, hol ˈdodhdhe, kieye, Gálallá hé ál chia him ki nimííllá ma higilinyo yú yie, Waag hí chie. 12 Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny. 13 Aadh lulle, Biiy hátlé ke kúlíchallá, ke yegetallá hol guogofsía, giri itín mú tikiˈd ađaabano điđamle hí mé ma googononyká. 14 Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo. 15 Hím Naasan Waaˈgiet ˈdeeny lééllá mé ka ˈgáa, Hát káána gálkícho Waag gíl sug ki haykáka, kúlíchallá har hí Waag afle maalleka, haí met googonônyo, he chie. 16 Gál Waag afle maale-, kor Waag af điidhééllá he gálya? Gaal hé gál Móshe hí lés Misirayam yé gáá ˈdeeteká muunîny? 17 Gálya Waag warram tomonaam afur gaa idhansie? Gaal hé gál ađaabano hile-, ˈbakat álle ki kufumeká muunîny? 18 Héétí, af giri Waag hol ˈdoote-, kieye, Gálallá hé ál gaalí hím ki nannuo-, yú gáál shigúóllá hé ma higiliny, Waag hí chíéllá, gálya ˈdaalleka Waag hí ˈdéé hótééllá ki hote? Gaal hé gál mú af đuˈduseká muunîny? 19 Aaléka, ˈdaa giri gaal Waag iiy ma yéenká in gaal Waag állé him ki nimiká ma híliny. |
Bible Translation and Literacy
Bible Translation and Literacy