Salmos 98 - DIOSPA QHELQACHISQ

1a

SALMO 98 Tata Diosqa cheqan justiciata ruwajmin

1a (1a) (Takiy)

¹ (1b) Tata Diosman uj mosoj takiyta takiychej, manchayta t'ukunata pay ruwasqanrayku. Payqa sinch'i kallpanwan, sinch'i atiyninwan ima tukuy awqankunata atipan.

² Tata Diosqa atipasqanmanta willarqa, justiciata ruwaj kasqantataj tukuy runaman rikucherqa.

³ Payqa Israel ayllunrayku khuyakuyninta, cheqa kaynintawan ima mana qonqarqachu. Tukuy kay pachapi runakunaqa Diosninchejpa atipasqanta rikorqanku.

⁴ Tukuy kay pachapi kaj runakuna, Tata Diosman kusisqa takirikuychej. Tukuy sonqo kusiymanta t'ajllarikuspa, payman takiychej.

⁵ Tata Diosman takiykunata arpawan takipuychej, cuerdayoj tocanakunawan ima.

⁶ Kuraj Kamachejninchej, Tata Diospa ñawpaqenpi kusisqa takiychej, cornetakunata, pututukunata waqachispa ima.

⁷ Mama qocha qhaparichun, tukuy ima chaypi kajpis. Kay pachapis qhaparichun, tukuy chaypi kawsajkunapis.

⁸ Mayukuna t'ajllakuchunku, orqokunapis uj kunkalla kusiywan qhaparichunku.

⁹ Tata Dios kay pachata juzgananpaj jamushan. Payqa kay pachapi runakunata cheqan kajman jina juzganqa, mana pimanpis sayakuspa.