Salmos 93 - DIOSPA QHELQACHISQ

SALMO 93 Tata Diosqa Kuraj Kamachej

¹ Tata Diosníy, qanmin Kuraj Kamachejniyku kanki. Qanqa jatun kayniykiwan p'achallikunki, atiyniykiwantaj chumpiykukunki. Tata Dios, qanmin kay pachata sinch'ita sayacherqanki, manataj jayk'ajpis kuyurenqachu.

² Qallariymantapacha, Tata Dios, kamachinayki tiyanaqa sinch'ita sayashan. Qanqa wiñaymantapacha karqankipuni.

³ Tata Dios, mayukunaqa wiñaspa, manchayta sonarinku, sinch'ita qhollchoqeyaspataj oqharikunku.

⁴ Qantajrí, janaj pachapi kaj Tata Dios, oqharikoj yakumantapis aswan atiyniyoj kanki, mama qocha phiñarikuspa qhollchoqeyan, chaymantapis aswan atiyniyojmin kanki.

⁵ Tata Dios, tukuy kamachisqaykeqa mana waj jinaman tukuchisqa kayta atinchu. Kamachiyniykeqa wiñay wiñaypaj llimphu.