Salmos 92 - DIOSPA QHELQACHISQ

(1)

SALMO 92 Diosta jatunchaspa takina

(1) (Samarina p'unchaypi takinapaj)

¹ 1 (2) Patapi Kaj Tata Dios, ancha sumajpuni qanta pachis nispa yupaychayqa. Qanta yupaychaspa takiypis ancha allinmin.

² 2 (3) Sut'iyayta khuyakuyniykimanta willasaj, tutanpis nisqaykita junt'aj kasqaykimanta parlasaj.

³ 3 (4) Cuerdayoj tocanaj waqayninpi, arpaj k'achitu waqayninwan ima qanmanta willarasaj.

⁴ 4 (5) Tata Dios, ruwasqaykiwan kusichiwanki, makiykej ruwasqanta rikuspataj, kusisqa takini.

⁵ 5 (6) Tata Dios, ruwasqaykeqa manchay t'ukuna, yuyasqaykitaj manchay ukhu, mana unanchay atina.

⁶ 6 (7) Wampu runaqa chayta mana yachanchu, mana yuyayniyoj runataj mana chayta reparanchu.

⁷ 7 (8) Diosta mana jatun respetowan qhawajkuna qhora jina wiñanku, tukuy mana allinta ruwajkunataj t'ika jina phancharinku, wiñaypaj chinkachisqa kanallankupaj.

⁸ 8 (9) Qantajrí Tata Dios, janaj pachapi kashallankipuni.

⁹ 9 (10) Tata Dios, kayta mana iskayrayaspa yachani: Awqaykikunaqa chinkachisqa kanqanku, tukuy mana allin kajta ruwajkunapis ch'eqerasqa kanqanku.

¹⁰ 10 (11) Qanqa k'ita toroj kallpanta jina kallpata yapawanki, umaytataj sumajta q'apashaj aceitewan jawiwanki.

¹¹ 11 (12) Noqaqa awqaykuna imaynatachus urmasqankuta rikusaj, contraypi jatarejkunaj qhaparisqankutataj uyarisaj.

¹² 12 (13) Cheqanta ruwajkuna palma sach'a jina t'ikarenqanku, Libanopi cedro sach'a jinataj wiñanqanku.

¹³ 13 (14) Tata Diospa wasinpi mallkisqa kaspa, Diosninchejpa Templonpa pationpi t'ikarenqanku.

¹⁴ 14 (15) Chay sach'akunaqa machuyaspapis poqollanqankupuni, kallpallayoj, q'omerllapunitaj kanqanku.

¹⁵ 15 (16) Tata Dios pakakunay kasqanmanta willanqanku, Tata Dios cheqanta ruwaj kasqanmanta ima.