Salmos 87 - DIOSPA QHELQACHISQ

1a

SALMO 87 Jerusalén llajtapaj takiy

1a (1a) (Coréj churinkunaj ruwasqanku takiy)

¹ (1b) Diospa llajtanpa cimientonqa ajllakusqan orqo patapi churasqa kashan.

² Tata Dios Sión llajtata astawan munakun, Jacobpa tukuy llajtankunamanta astawan.

³ Diospa llajtan, ima sumajta qanmanta parlanku.

⁴ Rejsiwaj suyukunamanta kaykuna kanku: Egipto, Babilonia, Filistea, Tiro, chantá Etiopiawan ima. Tukuyninku Sión llajtapi rikhurerqanku.

⁵ Sión llajtamanta nenqanku: Kaypis, jaqaypis chaypi rikhurerqanku, nispa. Patapi Kaj Diosmin chay llajtata sayacherqa.

⁶ Tata Dios paykunata listaspa, sutinkuta uj p'anqapi qhelqanqa: Kayqa Sionpi rikhurerqa, nispa.

⁷ Takejkuna, tusojkuna ima nenqanku: Jerusalén, kawsayneyqa qanpi kashan, nispa.