Salmos 85 - DIOSPA QHELQACHISQ

(1)

SALMO 85 Tata Dios qhespichiwayku

(1) (Coréj churinkuna ruwasqanku takiy)

¹ 1 (2) Tata Dios, qanqa Israel suyuykiwan manchay k'acha karqanki. Qanqa Jacobta waj suyuman preso apasqa kasqanmanta kutichimporqanki.

² 2 (3) Aylluykej millayta ruwasqanta qhespicherqanki, tukuy juchantapis pampacharqanki.

³ 3 (4) Phiñakuyniykita ñit'iykukorqanki, k'araj phiñakuyniykitataj tiyaykuchikorqanki.

⁴ 4 (5) Qhespichiwajniyku Dios, kunan ujtawan ñawpajta kasqaykuman kutichiwayku ari, amañataj noqaykupaj phiñasqa kaychu.

⁵ 5 (6) Wiñaypajchu noqaykupaj phiñasqa kanki? Phiñasqallapunichu tukuy tiempo kanki?

⁶ 6 (7) Manachu ujtawan kawsayta qowasqayku, noqayku aylluyki qanwan kusikunaykupaj?

⁷ 7 (8) Tata Diosniyku, mana tukukuyniyoj khuyakuyniykita rikuchiwayku, qhespichiwaykutaj.

⁸ 8 (9) Noqa uyarisaj imatachus Tata Dios parlanqa, chayta. Payqa ayllunman, chantá payta qhatejkunaman sonqo tiyasqa kawsaymanta parlanqa, paykuna manaña mana yuyayniyojkuna jina purinankupaj.

⁹ 9 (10) Cheqamanta Dios qayllallapi kashan, payta may jatun respetowan qhawajkunata qhespichinanpaj, ajinamanta paypa jatun kayninpa lliphipiynin jallp'anchejpi kakunanpaj.

¹⁰ 10 (11) Munakuywan, cheqa kajwan tinkonqanku, cheqan kaywan, sonqo tiyaykusqa kaywantaj much'anakonqanku.

¹¹ 11 (12) Cheqa kajqa jallp'amanta p'utumonqa, cheqan kajtaj janaj pachamanta qhawamonqa.

¹² 12 (13) Tata Diosmin tiyapuyninmanta qowasun, jallp'anchejtaj sumajta poqorenqa.

¹³ 13 (14) Justiciaqa Tata Diospa ñawpaqenta kacha jina renqa, ñantataj purinanpaj wakichiponqa.