Salmos 83 - DIOSPA QHELQACHISQ

(1)

SALMO 83 Tata Dios awqaykukunata atipaykuy

(1) (Asafpa ruwasqan takiy)

¹ 1 (2) Diosníy, ama ch'inlla kakuychu, ama ari ni imata ruwaspa ch'inlla kaychu.

² 2 (3) Qhaway ari, imaynatachus chejnikusoj awqaykikuna ch'ajwaspa, contraykipi oqharikusqankuta.

³ 3 (4) Paykuna aylluykej contranpi mana allin kajta ruwanankupaj wakichinku, munakusqaykikunaj contrankupitaj yuyaychanakunku.

⁴ 4 (5) Jamuspa, tukuchiyta munawayku, amaña suyu jina kanaykupaj, Israel sutinta wiñaypaj chinkachinankupaj ima.

⁵ 5 (6) Uj tratota contraykipi ruwaspa, uj runa jinalla oqharikunku,

⁶ 6 (7) Edommanta kajkuna, Ismaelmanta, Moabmanta, Agarpa mirayninmanta kajkunapis.

⁷ 7 (8) Gebalmanta kajkunapis oqharikullankutaj, Amonmanta, Amalecmanta, Filisteamanta, chantá Tiropi tiyakojkuna ima.

⁸ 8 (9) Asiria llajtayojkunapis paykunawan tantakullankutaj Paykuna Lotpa mirayninpaj paña makin jina kanku.

⁹ 9 (10) Diosníy, paykunawan ruway, imaynatachus Madianta ruwarqanki, ajinata, imaynatachus Sisarata ruwarqanki, ajinallatataj. Paykunata ruway, imaynatachus Cisón wayq'opi Jabinta ruwarqanki, ajinallatataj.

¹⁰ 10 (11) Paykuna Endorpi atipasqa karqanku, jallp'apaj wanuman tukuchisqa karqanku.

¹¹ 11 (12) Kurajninkukunata wañuchiy, imaynatachus Orebta, Zeebta wañucherqanki, ajinata. Ruway ari tukuy kamachejninkukunata, imaynatachus Zebata, chantá Salmunata ima ruwarqanki, ajinata.

¹² 12 (13) Paykuna nerqanku: Diospa uywa michinan pampakunata jap'ikapunachej, nispa.

¹³ 13 (14) Diosníy, paykunata muyoj wayrata jina ruway, wayraj apanan ch'aki laqhe jinatataj.

¹⁴ 14 (15) Imaynatachus sach'akunata nina ruphaykun, imaynatatajchus nina lawray orqokunata q'olaykun,

¹⁵ 15 (16) ajinata paykunata sinch'i paraykiwan qhatiykachay, sinch'i muyoj wayraykiwantaj paykunata manchachikuymanta kharkatitichiy.

¹⁶ 16 (17) Tata Dios, paykunata p'enqachiy, qanta mask'asunankupaj.

¹⁷ 17 (18) Paykuna wiñaypaj p'enqachisqa kachunku. P'enqachisqa kachunku, wañuchunkutaj.

¹⁸ 18 (19) Chantá tukuyninku qanlla Tata Dios kasqaykita yachanqanku, kay pachapi qanllamin Patapi Kaj Dios kasqaykita ima.