Salmos 82 - DIOSPA QHELQACHISQ

1a

SALMO 82 Diosqa sumaj juez

1a (1a) (Asafpa ruwasqan takiy)

¹ (1b) Diosqa dioskunaj jatun tantakuyninkupi sayarispa, parlarin, dioskunaj chawpinkupitaj juzgan.

² Jayk'ajkamataj qankuna mana cheqanta juzgankichejchu, millayta ruwajkunaman kutikuspapuni?

³ Aswanpis mana kutichikuyta atejkunarayku, wajcha wawakunarayku ima parlariychej. Mana imayojkunapaj, wajchakunapaj ima justiciata ruwaychej.

⁴ Pisi kallpayojkunata kacharichiychej. Pisichikojkunatapis librallaychejtaj, millayta ruwajkunaj makinmantataj jark'aychej.

⁵ Qankuna mana yachankichejchu, nitaj imatapis umaykichejpi jap'iyta atinkichejchu. Laqhapi chinkasqa purishankichej. Chayrayku kay pachaj cimientonpis kharkatitin.

⁶ Noqa nerqani qankunaqa dioskuna kasqaykichejta, tukuyniykichejtaj Patapi Kaj Diospa wawankuna kasqaykichejta.

⁷ Chaywanpis, wañoj runa jinallataj wañunkichej. Tukuy kamachejkuna jinallataj wañunkichej.

⁸ Sayariy, Diosniyku, kay pachata juzgay, imaraykuchus tukuy suyu qanpata kanku.