Salmos 81 - DIOSPA QHELQACHISQ

(1)

SALMO 81 Diospa k'acha kaynin

(1) (Asafpa ruwasqan takiy)

¹ 1 (2) Diosman kusisqa takiychej, paymin kallpanchej. Kusiymanta qhaparispa, Jacobpa Diosninta jatunchaychej.

² 2 (3) Panderowan takiychej, arpawan, salterioj misk'i waqasqanwan ima.

³ 3 (4) Mosoj killata putututa waqachiychej, jinallataj killa sut'iyay kashajtinpis, imajtinchus chay p'unchayqa jatun raymita ruwana p'unchaymin.

⁴ 4 (5) Kay kamachisqaqa Israelpaj karqa, Jacobpa Diosninpata kamachisqan.

⁵ 5 (6) Diosqa Joseman chay kamachisqata qorqa, maypachachus pay Egiptoj contranta llojserqa, chaypacha.

⁶ 6 (7) Uj mana rejsisqa parlayta uyarerqani kay jinata nejta: Wasaykimanta llasa q'epita q'epiracherqani, sinch'i ruwanamantataj qanta samaricherqayki.

⁷ 7 (8) Qan llakiyniykipi wajyakuwarqanki, noqataj qhespicherqayki, qhon qhon phuyu ukhumantataj uyarimorqayki. Chantá Meriba juturi kantupi maykamachus noqapi atinikuwasqaykita, yachayta munarqani, nispa.

⁸ 8 (9) Ayllúy, kay k'amisusqayta, uyariy. Israel, uyarinawaykita mayta munayman.

⁹ 9 (10) Ama waj llajtayojkunaj diosninkukunata jap'ikuychu, nitaj waj dioskunata yupaychaychu.

¹⁰ 10 (11) Noqa Tata Diosmin Diosniyki kani, pichus Egiptomanta orqhomorqayki, chay. Simiykita kichariy, noqataj sajsakunaykikama mikhuchisqayki.

¹¹ 11 (12) Chaywanpis aylloyqa mana uyariwayta munarqachu, Israeltaj mana kasuwayta munarqachu.

¹² 12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

¹³ 13 (14) Aylluychus uyariwanman karqa chayqa, Israeltajchus nisqayman jina purinman karqa chayqa,

¹⁴ 14 (15) noqaqa manaraj imapi awqankukunata k'umuykuchiyman karqa, contrankupi sayajkunatataj jasut'iyman karqa.

¹⁵ 15 (16) Pikunachus noqa Tata Diosta chejnikojkunapis manchachikuspa, Israelpa ñawpaqenman k'umuykunkuman karqa, jinataj wiñaypaj juchachasqa kankuman karqa.

¹⁶ 16 (17) Diostaj sumaj trigota ayllunman mikhuchinman karqa, chhanka jusk'umanta orqhosqa abeja misk'iwantaj paykunata sajsachinman karqa.