Salmos 8 - DIOSPA QHELQACHISQ

(1)

SALMO 8 Tata Diospa sutenqa manchay uyarisqa

(1) (Davidpa ruwasqan takiy)

¹ 1 (2) Tata Dios, Tukuyta Kamachej Diosniyku, tukuy kay pachapi sutiykeqa manchay uyarisqamin. Jatun kayniykeqa janaj pachamanta aswan jaqaykamaraj chayan.

² 2 (3) Ñuñoj wawakunata, juch'uy wawakunatapis atiyniykimanta parlanankupaj yachacherqanki, ajinata ruwaspataj, awqaykikunata, contraykipi oqharikojkunata ima ch'inyacherqanki.

³ 3 (4) Qanpa ruwasqayki janajta, churasqayki killata, chantá ch'askakunata ima rikuspa, noqa nini:

⁴ 4 (5) Imataj runa kasqa paymanta yuyarikunaykipajri? Imataj runa kasqa payta cuentaman churanaykipajri?

⁵ 5 (6) Qanqa angelkunamanta tumpa pisillata ruwarqanki, payta jatunchaspataj, respetowan qhawanapaj jina pilluwan jina pilluykucherqanki.

⁶ 6 (7) Chantá tukuy ruwasqaykita kamachinanpaj payta churarqanki, tukuy imatataj chakin uraman churarqanki.

⁷ 7 (8) Ovejakunata, bueykunata, k'ita animalkunata ima kamachinanpaj runata churarqanki,

⁸ 8 (9) jinallataj phawajkunata, mama qochapi challwakunata, chaypi tukuy kawsajta ima kamachinanpaj payta churarqanki.

⁹ 9 (10) Tata Dios, Tukuyta Kamachej Diosniyku, tukuy kay pachapi sutiykeqa may jina uyarisqamin.