Salmos 77 - DIOSPA QHELQACHISQ(1)SALMO 77 Tata Diospa ruwasqanpi unanchana (1) (Asafpa ruwasqan takiy) 1 1 (2) Diosman sinch'ita qhaparikuni, paytaj uyariwan. 2 2 (3) Llakiyniy p'unchaypi Tukuyta Kamachej Diosta mask'ani makiyta oqharispa, sapa ch'isitaj paymanta mañakuni. Chaywanpis mana sonqochakuyta atinichu. 3 3 (4) Diosmanta yuyarikuspa waqarikuni, Diospi unanchajtiytaj, kallpay pisiyan. 4 4 (5) Qan Dios, ch'irmejllatapis mana saqewankichu. Uma muyusqa jina kashani, ni parlaytapis atinichu. 5 5 (6) Pasaj p'unchaykunamanta yuyarikuni, ñawpa watakunamantapis yuyarikullanitaj. 6 6 (7) Sapa ch'isi takisqayta yuyarikuni, sonqoypitaj unanchaspa tapukuni: 7 Tukuyta Kamachej Dios wiñaypajchu saqerpariwasun? Manañachu khuyarikuwasunchej? 8 8 (9) Khuyakuynenqa wiñaypajpunichu tukukapun? Imatachus niwasqanchejta manañapunichu junt'anqa? 9 9 (10) Diosqa k'acha kasqanmanta qonqapunmanchu? Chhikatapunichu phiñakunman, manaña ujtawan khuyarikunawanchejpaj? nispa. 10 10 (11) Chantá sonqoypi nerqani: Patapi Kaj Diosqa manaña noqanchejwan unay karqa jinañachu, nispa. Chaypi yuyajtiytaj, sonqoy nanawan. 11 11 (12) Aswanpis tukuy sumaj ruwasqanmanta yuyarikusaj. Ñawpa tiempopi Tata Diospa t'ukuna imakunata ruwasqanmanta yuyarikusaj. 12 12 (13) Tukuy imatachus ruwasqanpi unanchasaj, tukuy ruwasqanmantataj willasaj. 13 13 (14) Diosníy, tukuy ima ruwasqaykeqa mana ni imayna pantayniyoj. Ima diostaj qan Diosniyku jina jatunri? 14 14 (15) Qanmin t'ukunata ruwaj Dios kanki, tukuy runamantaj atiyniykita rejsicherqanki. 15 15 (16) Qanllataj aylluykita jatun atiyniykiwan kacharicherqanki, Jacobpa mirayninkunata, Joséj mirayninkunata ima. 16 16 (17) Diosníy, qanta rikususpa, mama qocha manchachikusorqa. Chaypa may ukhu yakunpis kharkatiterqa. 17 17 (18) Phuyumanta ashkha yaku jich'akamorqa, janajpitaj qhon qhonkuna karqa, illapakunataj tukuynejman urmarqanku. 18 18 (19) Muyoj wayrapi qhon qhonkuna sinch'ita uyarikorqa. Illapakuna kay pachantinta k'ancharerqa, jallp'ataj chujchurispa kharkatiterqa. 19 19 (20) Mama qochapi ñanta kicharerqanki, ashkha yaku chawpitataj ñanta jina pasarqanki, nitaj pipis sarusqaykita rikorqachu. 20 20 (21) Chantá Moisesnejta, Aaronnejta ima aylluykita oveja tropata jina pusarqanki. |
Revisión Biblia Quechua Boliviano © Sociedad Bíblica Boliviana, 2017.
Bolivian Bible Society