Biblia Todo Logo
Bìoball air-loidhne

- Sanasan -

Salmos 57 - DIOSPA QHELQACHISQ

(1)


SALMO 57 Tata Dios yanapananta mañakuna
( Sal 108.1-5 )
(1) (Davidpa ruwasqan yarawi)

1 1 (2) Khuyarikuway noqamanta, Diosníy, khuyarikullaway. Qan waqaychanawaykita mask'ani, sinch'i llakiy pasanankama lijrayki urapi pakakuyta munani.

2 2 (3) Patapi Kaj Diosmanta mañakusaj, tukuy imapi yanapawaj Diosmanta.

3 3 (4) Diosneyqa janaj pachamantapacha munakuyninwan, cheqa kayninwan ima yanapawanqa. Jinallataj payqa, pikunachus phiñakuspa qhatiykachawajkunamanta kacharichillawanqataj.

4 4 (5) Runa mikhu leonkuna muyuykuwanku. Kirunkoqa lanza jina, flecha jinataj, qallunkutaj filochasqa espada jina.

5 5 (6) Diosníy, qanqa janaj pachamanta aswan patapi kanki, jatun kayniykej lliphipiynintaj tukuy kay pachaman junt'aykun.

6 6 (7) Awqaykunaqa uj tojllata purinayman churarqanku, noqataj chayta yachaspa, mayta llakikorqani. Ñan purinaypi uj t'oqota allarqanku chaypis, paykunallataj chayman urmarqanku.

7 7 (8) Diosníy, sonqoyqa wakichisqa kashan takiykunata takipusunaypaj.

8 8 (9) Rijch'ariy ari, almáy. Arpa, lira ima rijch'ariychej. Noqapis mosoj p'unchayman rijch'arillasajtaj.

9 9 (10) Tukuyta Kamachej Dios, takiykunawan jatunchasqayki. Noqa tukuy ayllu, tukuy suyu ukhupi ima yupaychasqayki,

10 10 (11) imajtinchus munakuyniykeqa janajkama chayan, cheqa kayniykitaj phuyukama.

11 11 (12) Diosníy, qanqa janaj pachamanta aswan patapi kanki, jatun kayniykej lliphipiynintaj tukuy kay pachaman junt'aykun.

Revisión Biblia Quechua Boliviano © Sociedad Bíblica Boliviana, 2017.

Bolivian Bible Society
Lean sinn:



Sanasan