Salmos 54 - DIOSPA QHELQACHISQ

(1)

SALMO 54 Tata Dios yanapananta mañakuna

(1) (Davidpa ruwasqan yarawi)

¹ 1 (3) Diosníy, sutiykirayku qhespichiway, atiyniykiwantaj noqaman kutikuway.

² 2 (4) Mañakususqayta uyariway, Diosníy, parlasusqaytapis uyariway ari.

³ 3 (5) Mana rejsisqay runakuna contraypi sayarinku, wapu wapu jatunchakojkunataj wañuchiwayta munanku. Paykuna qanmanta ni yuyarikullankupischu.

⁴ 4 (6) Chaywanpis noqataqa Diosniy yanapawan, Tukuyta Kamachej Diostaj kawsachillawanpuni.

⁵ 5 (7) Payqa awqaykunaman millayta ruwasqankuman jina kutichenqa. Nisqanman jina paykunata chinkarparichenqa.

⁶ 6 (8) Noqarí tukuy sonqo qanman uywa ñak'asqa q'olachinata jaywasqayki, sutiykitataj yupaychasaj, Tata Dios, imajtinchus qanta yupaychanaqa manchay sumajmin.

⁷ 7 (9) Yupaychasqayki, imaraykuchus qanmin tukuy llakiyniymanta librawarqanki, noqataj kikin ñawiywan awqaykunata atipasqata rikuni.