Salmos 47 - DIOSPA QHELQACHISQ(1)SALMO 47 Diosqa tukuy kay pachata kamachin (1) (Corejpata churinkunaj takiynin) 1 1 (2) Kay pachapi tukuy tiyakojkuna, t'ajllakuychej. Kusiywan qhaparispa, Diosta jatunchaychej. 2 2 (3) Patapi Kaj Tata Diosqa may jina manchachikunapaj jina, paytaj tukuy kay pachapi Kuraj Kamachej kashan. 3 3 (4) Payqa tukuy runata makinchejman churarqa, chakinchej uramantaj tukuy suyuta. 4 4 (5) Tiyakushanchej, kay jallp'ata chayaqenchej kananpaj ajllapuwarqanchej, chay jallp'ataj munakusqan Jacobpa jatunchakunan. 5 5 (6) Tata Diosqa kamachinan tiyanaman tiyaykun, runakuna kusiymanta qhaparishajtinku, trompetata waqachishajtinku ima. 6 6 (7) Takiychej, Diosman takiychej. Kuraj Kamachejninchejman takiykunata takiychej. 7 7 (8) Sumaj k'achitu takiyta Diosman takirikuychej, imaraykuchus payqa tukuy kay pachapi kamachishan. 8 8 (9) Diosqa tukuy suyuta kamachin. Diosqa may llimphu kamachinan tiyanapi tiyasqa kashan. 9 (10a) Suyukunaj kamachejninkukuna Abrahampa Diosninpa ayllunwan tantakunku, 10 (10b) imaraykuchus tukuy suyukunata kuraj kamachejkunaqa Diospatamin, paytaj tukuynejpi jatunchasqa kashan. |
Revisión Biblia Quechua Boliviano © Sociedad Bíblica Boliviana, 2017.
Bolivian Bible Society