Salmos 43 - DIOSPA QHELQACHISQ

SALMO 43 Llakiypi Diospi atinikuni

¹ Justiciata ruwaway, Diosníy. Qanta mana manchachikojkunamanta jark'away. Millayta ruwaspa purejmanta, ch'awka runamantawan waqaychaway.

² Diosníy, qanmin jark'akuwajniy kanki. Imaraykutaj saqerpariwankiri? Imaraykutaj llakisqa purinay tiyan, awqaykunaj sarusqanri?

³ Qan k'anchayniykita, cheqa kayniykitawan apachimuway, ajllakusqayki orqoykiman pusanawankupaj, maypichus qan tiyakunki, chayman.

⁴ Chaypi Diosníy, altarniykiman qayllasaj. Chaypitaj arpata tocarispa, yupaychasqayki, imaraykuchus qan, Diosníy, sonqoyta kusiywan junt'achinki.

⁵ Imaraykutaj q'enaqakuyman kasqari? Imaraykutaj phutikuyman kasqari? Diospi atinikuspa suyakuni, paytataj yupaychasajraj. Paymin qhespichiwaj Diosniy.