Salmos 41 - DIOSPA QHELQACHISQ

(1)

SALMO 41 Qhalilla kawsakunapaj Diosmanta mañakuna

(1) (Davidpa ruwasqan takiy)

¹ 1 (2) Kusikuyniyojmin pichus mana kallpayoj wajcha runapi yuyajqa. Llakiy p'unchay chayamojtin, Tata Dios payta yanapanqa.

² 2 (3) Tata Diosmin payta waqaychanqa, kay pachapitaj kusiyta, kawsayta ima qonqa. Nillataj paypa awqankuna ima mana allin kajtapis ruwanankuta saqenqachu.

³ 3 (4) Pay onqosqa kashajtin, Tata Dios kallpachanqa, onqoyninmantataj qhaliyachiponqa.

⁴ 4 (5) Noqa nerqani: Tata Diosníy, khuyarikuway ari. Qanpa contraykita juchallikorqani chaypis, onqoyniymanta qhaliyachiway, nispa.

⁵ 5 (6) Awqaykuna noqapaj mana allin kajta munaspa, ninku: Mayk'ajtaj wañonqa, sutinmanta tukuy qonqapunankupajri? nispa.

⁶ 6 (7) Watukuwaj jamuwanku chaypis, mana tukuy sonqochu jamuwanku. Tukuy ima mana allin kajta sonqonkupi waqaychanku, jawaman llojsispataj, junt'achimunku.

⁷ 7 (8) Chejnikuwajkunaqa tukuyninku tantakuspa, noqamanta thutunku. Paykuna juchallisqayrayku onqoyta ñak'arishasqayta yuyaspa, ninku:

⁸ 8 (9) Kayqa supaypa onqochisqan, jinataj manaña puñunanmanta sayarenqañachu, nispa.

⁹ 9 (10) Sumaj kaj kawsaqeypis, pipichus atinikoj kani chay, pichus noqawan khuska mikhoj chay, paypis wasanchawan.

¹⁰ 10 (11) Qanrí, Tata Dios, khuyarikuway. Onqoyniymanta qhaliyachiway ari, ruwawasqankuman jina kutichinaypaj.

¹¹ 11 (12) Sichus awqaykuna mana atipawankuchu chayqa, ajinamanta yachasaj qanqa noqawan kusisqa kasqaykita.

¹² 12 (13) Mana k'aminapaj jina purisqayrayku marq'arikuway, wiñaypajtaj ñawpaqeykipi kanallaytapuni munay ari.

¹³ 13 (14) Israelpa Tata Diosnin wiñay wiñaynintinpaj yupaychasqa kachun. Jinapuni kachun.