Salmos 3 - DIOSPA QHELQACHISQ

(1)

SALMO 3 Tata Dios yanapananta mañakuna

(1) (Davidpa ruwasqan takiy, maypachachus Absalonmanta ayqekusharqa, chaypacha.)

¹ 1 (2) Tata Dios, awqaykunaqa ashkha kanku, contraypi sayarejkunapis may chhika kanku.

² 2 (3) Ashkha noqamanta nishanku: Diosqa mana payta qhespichenqachu, nispa.

³ 3 (4) Qantajrí Tata Dios, escudowan jina jark'akuwajniy kanki. Qanqa jatunchawanki, atiyniykiwantaj kallpachawanki.

⁴ 4 (5) Noqaqa qhaparikuspa, Tata Diosmanta mañakuni, paytaj ajllakusqan orqomanta uyariwan.

⁵ 5 (6) Noqa puñukapuni, chantá q'ayantin rijch'arini, imaraykuchus Tata Diosmin waqaychawan.

⁶ 6 (7) Chay chhika awqaykunata mana manchachikunichu, contraypi tukuynejmanta muyuykamuwajtinkupis.

⁷ 7 (8) Sayarikuy, Tata Dios. Diosníy, yanapaway. Qanqa awqaykunata uyankupi sajmanki, millayta ruwajkunaj kirunkutataj muchhaykunki.

⁸ 8 (9) Tata Diosníy, qanllamin yanapawayta atinki. Aylluykitataj saminchay ari.