Salmos 23 - DIOSPA QHELQACHISQ

1a

SALMO 23 Tata Diosqa michiwajniy

1a (1a) (Davidpa ruwasqan takiy)

¹ (1b) Tata Diosqa michiwajniy, manataj imapis pisiwanchu.

² Q'omer pampapi michiwan, ujyanaypajtaj misk'i yakuman pusawan.

³ Payqa mosoj kallpata qowan, cheqan ñankunatataj pusawan, sutin jatunchasqa kananpaj.

⁴ Ch'in laqha wayq'ota puriyman chaypis, mana imamantapis manchachikusajchu, imajtinchus qanqa noqawan kashanki. Varaykiwan, tojnuykiwan ima jark'awasqaykirayku qanpi astawan atinikuni.

⁵ Qanqa awqaykunaj rikunankuta jatun mikhuyta wakichipuwanki. Aceitewan umayta jawiwanki, saminchawaspataj atipachiwanki.

⁶ Kawsanaykamaqa khuyakuyniyki, munakuyniykiwan ima noqawanpuni kanqanku, noqataj Tata Diospa wasinpi wiñaypaj tiyakusaj.