Salmos 2 - DIOSPA QHELQACHISQ

SALMO 2 Diospa ajllakusqanpa kamachiynin

¹ Imaraykutaj suyukuna oqharikunkuri? Imaraykutaj runakunapis qhasi manakajta ruwayta yuyaychakunkuri?

² Kay pachapi kuraj kamachejkuna, kamachejkunawan ima Tata Diospa contranta oqharikunku, ajllakusqan kuraj kamachejpa contranpiwan ima.

³ Paykuna qhaparispa, ninku: Watawasqanchej cadenata p'itirana, Diospa wata runan kasqanchejmantataj kacharichikuna, nispa.

⁴ Janaj pachapi kuraj kamachejrí paykunamanta asikun. Tukuyta Kamachej Diosqa paykunamanta asiykukun.

⁵ Chantá phiñakuspa, paykunaman parlan, k'arajta phiñakuspataj, paykunata kharkatitichin:

⁶ Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

⁷ Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

⁸ Mañakuway suyukunata chayaqeykipaj qosunayta, noqataj tukuy kay pachata qosqayki.

⁹ Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

¹⁰ Kay pachapi tukuy kuraj kamachejkuna, yachayniyoj kaychej, k'amisqaytapis jap'ikuychej.

¹¹ Tata Diosta may jatun respetowan qhawaspa yupaychaychej, kusikuspataj, payman k'umuykuychej.

¹² Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.