Salmos 15 - DIOSPA QHELQACHISQ

1a

SALMO 15 Tata Dios runamanta imatachus suyan

1a (1a) (Davidpa ruwasqan takiy)

¹ (1b) Tata Dios, pitaj wasiykipi tiyakuyta atinmanri? Pitaj ajllakusqayki orqoykipi kawsakuyta atinmanri?

² Wasiykipeqa pichus cheqanta purejlla, cheqan kajta ruwajlla, mana llullakuspa cheqa kajta parlajlla tiyakonqa.

³ Chaypi tiyakullanqataj pichus runa masinmanta allinta parlaj, kawsaqenta mana wasanchaj, chantá runa masintapis qhasimanta mana ch'ataykoj ima.

⁴ Chaypi tiyakullanqataj, pichus Diospa chejnisqan runata chejnej, pichus Tata Diosta tukuy respetowan may jatunpaj qhawajta jatunchaj, pitajchus mana allin rishajtinpis, imatachus nisqanta junt'aj.

⁵ Payqa mana interesniyojta qolqeta manurin, nitaj mana juchayojpa contranta llullakunanpaj lluk'ita jap'ikunchu. Chay jinata ruwaj runaqa ni jayk'aj urmanqachu.