Salmos 142 - DIOSPA QHELQACHISQ

(1)

SALMO 142 Tata Diosqa pakakunay

(1) (Davidpa ruwasqan takiy)

¹ 1 (2) Jatunmanta qhaparispa, Tata Diosmanta mañakuni. Jatunmanta qhaparispa, khuyarikunawanta mañakuni.

² 2 (3) Payman llakiyniyta willakuni. Payllaman imakunachus llakichiwasqanta rejsichini.

³ 3 (4) Llakiywan ñit'isqa kaspa manaña awantayta atishajtiy, qan Tata Dios, maynintachus rinayta yachanki. Awqaykunaqa purinayman urmanaypaj tojllata churawarqanku.

⁴ 4 (5) Pañanejman kutirikuspa qhawani, manataj pipis yanapaj jamoj kanchu, nitaj pipis noqaman kutikuwaj kanchu. Manallataj pipis noqata qhawariwajqa kanchu.

⁵ 5 (6) Tata Dios, qanman qhaparikamuyki, niykitaj: Qanllamin pakakunay kanki, kay pachapi tukuy kapuyneyqa qanlla kanki.

⁶ 6 (7) Qhaparikamususqayta uyariway, imaraykuchus ancha pisi kallpa kashani. Chejnikuspa qhatiykachawajkunamanta kacharichiway, imaraykuchus paykuna noqamanta nisqaqa aswan kallpayoj kanku.

⁷ 7 (8) Jinallataj llakiy ñit'iykushawasqanmanta orqhoway, noqa qanta jatunchasunaypaj. Chantá noqawan manchay k'acha kasqaykita rikuspa, cheqanta ruwaspa purejkuna muyuykuwanqanku.