Salmos 14 - DIOSPA QHELQACHISQ

1a

SALMO 14 Runaqa Diosta qhesachan

1a (1a) (Davidpa ruwasqan takiy)

¹ (1b) Wampukunaqa sonqonkupi ninku: Mana Dios kanchu, nispa. Tukuyninku millayta purinaman qokunku, ruwasqankutaj mayta millachikunapaj jina. Allinta ruwajqa mana pipis kanchu.

² Janaj pachamantapacha Tata Diosqa runakunata qhawamun, Diosta mask'aj yuyayniyoj runata ujllatapis tariyta munaspa.

³ Tukuyninku cheqan ñanmanta pantaykunku, tukuy millayta purinaman qokunku, manataj pipis allinta ruwajqa kanchu, ni ujllapis.

⁴ Millayta ruwajkuna mana yuyayniyojchu kanku. Paykunaqa aylluyta t'antata jina mikhukapunku. Tata Diospa sutintapis mana oqharillankupischu.

⁵ Chaywanpis paykuna manchachikuspa, kharkatitenqanku, imaraykuchus Tata Diosqa payta kasukojkunawan kashan.

⁶ Millayta ruwajkunaqa wajcha runakuna imatachus munasqankumanta asikunku. Tata Diosrí wajcha runakunata waqaychanqa.

⁷ Mayta munayman Sionmanta Israelta kacharichej jamunanta. Maypachachus Tata Dios ayllunta suyunkuman kutichimonqa chaypacha, Jacobpa miraynin manchayta kusikonqanku, Israel ayllumanta kajkunataj kusiywan qhaparikonqanku.