Salmos 124 - DIOSPA QHELQACHISQ

1a

SALMO 124 Tata Diosqa yanapawanchejpuni

1a (1a) (Karu llajtamanta Jerusalenman jamunapaj takiy)

¹ (1b) Ima kanman karqa, sichus Tata Dios mana noqanchejman sayasqachu kanman karqa chaypachari? Ajinata Israel nichun:

² Manachus Tata Dios noqanchejman kutisqa kanman karqa chayqa, maypachachus tukuy runakuna contranchejpi maqanakunankupaj oqharikorqanku chaypacha,

³ contranchejpi k'arajta phiñakusqankurayku, kawsashajta oqoykuwasunman karqa.

⁴ Chaypacha mayu jina apawasunman karqa, yakupis patanchejta wasaykuwasunman jina kanman karqa.

⁵ Chaypacha ashkha chayamoj yaku jina patanchejta wasaykuwasunman karqa.

⁶ Tata Dios jatunchasqa kachun, imajtinchus payqa awqanchejkuna mitharaspa tukuchinawanchejta mana saqerqachu.

⁷ Tojlla churasqankumanta ayqerqanchej, imaynatachus p'isqo ayqen, ajinata. Chay tojlla churasqanku p'itikorqa, noqanchejtaj ayqerqanchej.

⁸ Yanapaqa Tata Diosmanta jamun, pichus janajta, kay pachatawan ruwarqa, chaymanta.