Salmos 121 - DIOSPA QHELQACHISQ

1a

SALMO 121 Tata Diosmin waqaychasojniyki

1a (1a) (Karu llajtamanta Jerusalenman jamunapaj takiy)

¹ (1b) Orqokunata qhawarispa, tapukuni: Maymantataj yanapawajniy jamonqari? nispa.

² Tata Diosmin yanapawajneyqa, pichus kay pachata, janaj pachatawan ruwaj.

³ Payqa mana llusk'ajta saqesonqachu. Waqaychasojqa mana jayk'aj puñonqachu.

⁴ Israelta waqaychajqa mana jayk'aj puñunchu, nitaj puñuywan atipachikunchu.

⁵ Tata Diosmin qanmanta qhawarisojqa, waqaychasojtaj. Paymin qanwan kashan yanapasunanpaj.

⁶ P'unchaypi inteqa mana sayk'uchisonqachu, nitaj tutapi killa imanasonqachu.

⁷ Tata Diosqa tukuy mana allin kajmanta waqaychasonqa, payllataj kawsayniykita waqaychanqa.

⁸ Mayman rejtiyki, kutimojtiykipis, Tata Dios qanta waqaychallasonqapuni kunanmanta wiñaykama.