Salmos 114 - DIOSPA QHELQACHISQ

SALMO 114 Egiptomanta llojsimusqankuta yuyarikunku

¹ Maypachachus israelitakuna Egiptomanta llojsimorqanku, Jacobpa ayllun mana rejsisqa suyuta saqerqa chaypacha,

² Judá jatun aylloj jap'iynin Diosta yupaychana cheqaman tukorqa, Israel suyutaj paypa kamachinanman tukorqa.

³ Puka Mama Qochaqa israelitakunata rikuspa ayqerqa, Jordán mayupis qhepaman kutirerqa.

⁴ Orqokunapis carnero jina phinkiykacharqanku, moqokunataj oveja uña jina sink'uykacharqanku.

⁵ Imajtintaj qan, Puka Mama Qocha, ayqerqankiri? Imajtintaj qan, Jordán mayu, qhepaman kutirerqankiri?

⁶ Orqokuna, imajtintaj carnerokuna jina phinkiykacharqankichejri? Moqokuna, imajtintaj oveja uña jina sink'uykacharqankichejri?

⁷ Qan, jallp'a, Tukuyta Kamachej Diospa ñawpaqenpi kharkatitiy, Jacobpa Diosninpa qayllanpi qhatatitiy.

⁸ Payqa chhankata yaku qochaman tukucherqa, chuki rumitataj juturiman.