Salmos 113 - DIOSPA QHELQACHISQ

SALMO 113 Tata Diosta k'acha kasqanmanta yupaychana

¹ Tata Dios jatunchasqa kachun. Tata Diospa kamachinkuna, payta yupaychaychej.

² Kunanpis, wiñaypajpis Tata Diosninchej jatunchasqa kachun.

³ Inti llojsimuynejmanta inti yaykuynejkama Tata Dios jatunchasqa kachun.

⁴ Tata Diosqa tukuy suyukunata kamachin, jatun kayninpa lliphipiynintaj janajmanta aswan patakama chayan.

⁵ Tata Diosninchej jinaqa mana pipis kanchu, pichus janaj pachapi tiyaykuspa kamachishan, chay jina.

⁶ Chaywanpis payqa janajta, kay pachatapis qhawananpaj k'umuykamun.

⁷ Tata Diosqa pisichikoj runata pampamanta aysarin, mañakuspa purejtataj q'opa wijch'unamanta oqharin.

⁸ Chantá kamachejkunatawan khuska payta tiyachin, ayllunmanta kurajkunatawan khuskata.

⁹ Mana wawa rejsej warmiman wawakunata qon, chay warmitaj wawakunayoj kasqanmanta kusikun. Tata Dios jatunchasqa kachun.