Salmos 110 - DIOSPA QHELQACHISQ

1a

SALMO 110 Tata Diosqa kuraj kamachejman atiyta qon

1a (1a) (Davidpa ruwasqan takiy)

¹ (1b) Tata Diosqa Tukuyta Kamachejniyta nerqa: Kay pañaynejpi tiyarikuy, awqaykikunata chakiyki uraman churanaykama, nispa.

² Sionmantapacha Tata Dios kamachinayki varata qosunki, awqaykikunata kamachinaykipaj.

³ Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

⁴ Tata Diosqa tiluspa nisqanta mana p'akenqachu: Qanqa Melquisedec jinallataj wiñaypaj sacerdote kanki, nispa nisqanta.

⁵ Tukuyta Kamachej Dios yanapasunanpaj pañaykipi kashan, phiñakuynin p'unchaypitaj kuraj kamachejkunata chakin uraman churanqa.

⁶ Tukuy suyumanta runakunata juzganqa. Ayankuta qollu qollullata tantanqa, kay pachapitaj tukuy kamachejkunata ch'allpanqa.

⁷ Ñan patapi mayumanta yakuta ujyanqa, chay yakuwantaj kallpachakonqa.