Salmos 11 - DIOSPA QHELQACHISQ

1a

SALMO 11 Tata Diosllapi tukuy sonqo atinikuna

1a (1a) (Davidpa ruwasqan takiy)

¹ (1b) Noqaqa Tata Diospi atinikuni. Imaraykutaj niwanku: Orqoman p'isqo jina ayqey, nispari?

² Millayta ruwajkunata qhawariy. Paykunaqa arcowan flechanankupaj wakichikunku, arcota aysaspataj, flechata cheqanta ruwajkunaman pakayllamanta kachaykunku.

³ Cimientokuna loqhekojtin, cheqan sonqoyoj runa imatataj ruwayta atinmanri?

⁴ Tata Diosqa paypaj t'aqakusqan Templopi kashan, kamachinan tiyanataj janaj pachapi kashan. Chaymantapacha qhawaspa, payqa runakunaj purisqankuta watun.

⁵ Tata Diosqa cheqanta ruwajkunata, millayta ruwajkunatapis qhawan. Kallpankuman atinikuspa imatapis ruwayta munakojkunatarí, tukuy sonqonwan chejnikun.

⁶ Payqa millayta ruwajkunaj patankuman azufreta, ninata ima parachimonqa, tukuy imata ruphaj wayrawantaj paykunata ruwasqankuman jina jasut'enqa.

⁷ Cheqanta ruwaj Tata Diosqa cheqan justiciata munakun. Chayrayku cheqanta ruwajkunaqa paypa uyanta rikonqanku.