Salmos 108 - DIOSPA QHELQACHISQ

(1)

SALMO 108 Tata Dios yanapananta mañakuna

(1) (Davidpa ruwasqan takiy)

¹ 1 (2) Diosníy, sonqoyqa wakichisqa kashan, tukuy sonqo qanpaj takipusuyta munani. Chaymin noqapaj kusikoyqa.

² 2 (3) Cuerdayoj tocana, arpapis, rijch'ariychej. Noqapis takispa, sut'iyayta rijch'arisaj.

³ 3 (4) Tata Dios, runakuna ukhupi jatunchasqayki, tukuy suyu chawpipitaj takiykunata qanman takipusqayki.

⁴ 4 (5) Khuyakuyniykeqa janajmantapis aswan jatun, cheqan kasqaykitaj patakama chayan.

⁵ 5 (6) Diosníy, janajmanta aswan patapi kanki. Jatun kayniykeqa tukuy kay pachaman junt'an.

⁶ 6 (7) Diosníy, atiyniykiwan qhespichiwayku, munakusqayki ayllu kacharichisqa kanaykupaj. Uyariwayku ari.

⁷ 7 (8) Diosqa paypaj t'aqasqa wasinmantapacha nin: Kusisqa Sichemta t'aqarasaj, Sucot valletataj rak'irasaj.

⁸ 8 (9) Galaadpis, Manasespis noqajtamin kanku. Efrainqa umayta jark'aj monteray, Judataj kamachinay vara.

⁹ 9 (10) Moabtajrí mayllakunay ch'illami. Edomman juk'utayta wijch'usaj, filisteokunata atipasqaymantataj kusisqa qhaparisaj.

¹⁰ 10 (11) Pitaj sumaj perqawan jark'achasqa llajtaman pusawanmanri? Pitaj Edomman chayachiwanmanri?

¹¹ 11 (12) Qan, Tata Dios, cheqatapuni qhesachawarqayku, manañataj soldadoykukunawan khuska llojsinkiñachu.

¹² 12 (13) Kunantajrí awqaykoj contranpi yanapawayku, imaraykuchus runaj yanapasqanqa qhasi manakajlla.

¹³ 13 (14) Diospa yanapawasqanchejwan noqanchej jatuchaj imakunata ruwasunchej, paytaj awqanchejkunata saronqa.