Salmos 1 - DIOSPA QHELQACHISQ

SALMO 1 ÑAWPAJ KAJ T'AQA ( Sal 1—41 ) Cheqa kusikuy

¹ Kusikuyniyojmin pichus millayta ruwaspa purejkunaj yuyaychasqankuta mana jap'ikojqa, juchallispa purejkunaj purisqankutapis mana qhatejqa, Diosmanta alqochakojkunawanpis mana khuskachakojqa.

² Manachayqa Tata Diospa kamachisqanta munakuspa misk'irichikun, chay kamachisqanpitaj tuta p'unchay unanchan.

³ Chay runaqa mayu kantupi sach'a jina. Maychus tiemponpi poqon, laqhentaj mana jayk'aj qawinchu. Tukuy ima ruwasqanpitaj allin renqa.

⁴ Dioswan churanakojkunawanrí mana jinachu kanqa. Paykuna wayraj apasqan q'opa jina kanku.

⁵ Chayrayku Dioswan churanakojkunaqa juicio p'unchaypi juzgasqa kaspa, mana kutichikuyta atenqankuchu, nillataj cheqan runakunaj tantakuyninkupi kanqankuchu.

⁶ Tata Dios cheqan runakunaj puriyninkuta waqaychan. Millayta ruwaspa purejkunaj ruwasqankurí chinkayman paykunata apan.