Números 7 - DIOSPA QHELQACHISQ

Dioswan Tinkukuna Toldota t'aqanapaj ofrenda

¹ Moisés Dioswan Tinkukuna Toldota sayarichiyta tukuytawan, toldota, chantá tukuy imankunatawan aceitewan jawispa, Tata Diospaj t'aqarqa. Jinallataj altarta, chantá altarpi kaj imakunatawan ima aceitewan jawispa, Tata Diospaj t'aqallarqataj.

² Chaymantataj Israel ayllumanta kurajkuna, pikunachus runa yupaypi yanapaysikorqanku, chaykunaqa Diosman qonankupaj apamorqanku,

³ toldosqa sojta carretakunata, chantá chunka iskayniyoj bueykunatawan ima. Uj carretata iskay kurajkuna apamorqanku, sapa ayllumanta kurajtaj uj bueytakama apamorqanku. Chantá tukuy imatachus apamusqankuta Dioswan Tinkukuna Toldoj ñawpaqenman churarqanku.

⁴ Chantá Tata Dios Moisesta nerqa:

⁵ Carretakunata, bueykunata ima paykuna apamusqankuta jap'ispa, levitakunaman qoy, paykunamanta sapa uj Dioswan Tinkukuna Toldopi imachus ruwanankupi apaykachanankupaj, nispa.

⁶ Jinataj Moisesqa carretakunata, chantá bueykunatawan ima kurajkunamanta jap'ispa, levitakunaman qorqa.

⁷ Gersonpa mirayninman imachus ruwanankuman jina iskay carretata, chantá iskay bueykunatawan qorqa.

⁸ Merarij mirayninmantaj imachus ruwanankuman jina tawa carretata, chantá pusaj bueykunatawan qorqa. Paykunataqa sacerdote Aaronpa churin Itamar kamacherqa.

⁹ Coatpa churinkunamanrí Moisés mana imatapis qorqachu, ni carretata, nitaj bueykunatapis, imaraykuchus paykunaqa Diospaj t'aqasqa imakunata lijraspa apananku karqa.

¹⁰ Maypachachus sacerdotekuna altarta jawispa Tata Diospaj t'aqarqanku chaypacha, sapa ayllumanta kurajkuna Diosman jaywanankupaj apamusqankuta altarpa ñawpaqenman churarqanku.

¹¹ Chaymantataj Tata Dios Moisesta nerqa: Jatun aylluta kamachejkunamanta mit'a chayasqanman jina, altarta Diospaj t'aqanapaj sapa p'unchay Diosman qonapaj apamunan tiyan, nispa.

¹² Ñawpaj kaj p'unchaypi Diosman qonankupaj apamojqa Judá jatun ayllumanta Aminadabpata churin Nasón karqa.

¹³ Payqa qolqemanta ruwasqa uj ch'illamita apamorqa. Apamusqan ch'illameqa 1.430 gramo pesarqa. Chantá qolqe metalmanta ruwasqa uj yurutawan apamullarqataj. Chay apamusqan yurutaj Dioswan Tinkukuna Toldopi chimpu churasqa kasqanman jina, 770 gramo pesarqa. Iskayninta aceitewan puñasqa sumaj jak'uwan junt'ata apamorqa, ch'aki mikhuy jaywanata Diosman jaywanapaj.

¹⁴ Jinallataj qorimanta ruwasqa uj jatun wisllata qollarqataj inciensowan junt'ata. Chaytaj 110 gramo pesarqa.

¹⁵ Chantá Nasón q'olachispa Diosman jaywananpaj qollarqataj uj torillota, uj carnerota, chantá uj watayoj corderota ima.

¹⁶ Jucharayku Diosman jaywananpajtaj uj chivotawan apamullarqataj.

¹⁷ K'achata kawsakuy jaywanata Diosman jaywananpajtaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima qollarqataj. Chaykunata Aminadabpata churin Nasón Diosman qonanpaj apamorqa.

¹⁸ Iskay kaj p'unchaypi Suarpata churin Natanaelñataj Diosman qonanpaj apamorqa. Payqa Isacar jatun ayllumanta kuraj kaj kamachej karqa.

¹⁹ Natanaelqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina, 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

²⁰ Chantapis qorimanta ruwasqa uj jatun wisllata inciensowan junt'ata qollarqataj. Chaytaj 110 gramo pesarqa.

²¹ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

²² Uj chivotapis qollarqataj jucharayku Diosman jaywananpaj.

²³ K'achata kawsakuy jaywanata jaywanapajtaj, iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima qollarqataj. Chaykunata Suarpata churin Natanael Diosman qonanpaj apamorqa.

²⁴ Kinsa kaj p'unchaypi Helonpata churin Eliabñataj Diosman qonanpaj apamorqa. Payqa Zabulón jatun ayllumanta kuraj kaj kamachej karqa.

²⁵ Eliabqa qolqe metalmanta ruwasqa uj ch'illamita apamorqa. Chay apamusqan ch'illamitaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj, Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

²⁶ Qorimanta ruwasqa uj jatun wisllatapis apamullarqataj, inciensowan junt'ata. Chaytaj 110 gramo pesarqa.

²⁷ Q'olachispa Diosman jaywananpajtaj uj torillota, uj carnerota, chantá uj watayoj corderota ima apamullarqataj.

²⁸ Jucharayku Diosman jaywananpajtaj uj chivotawan apamullarqataj.

²⁹ Jinallataj k'achata kawsakuy jaywanata jaywananpaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima apamullarqataj. Chaykunata Helonpata churin Eliabqa Diosman qonanpaj apamorqa.

³⁰ Tawa kaj p'unchaypi Sedeurpata churin Elisurñataj, Diosman qonanpaj apamorqa. Payqa Rubén jatun ayllumanta kuraj kaj kamachej karqa.

³¹ Elisurqa qolqe metalmanta ruwasqa uj ch'illamita apamorqa. Chaytaj, 1.430 gramo pesarqa. Chantá qolqemanta ruwasqa uj yuruta apamullarqataj. Chaytaj, Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

³² Qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.

³³ Q'olachispa Diosman jaywananpajtaj, uj torillota, uj carnerota, chantá uj watayoj corderota ima qollarqataj.

³⁴ Jucharayku Diosman jaywananpajtaj uj chivotawan apamullarqataj.

³⁵ Diosman k'achata kawsakuy jaywanata jaywananpaj apamullarqataj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima. Chaykunata Sedeurpata churin Elisurqa Diosman qonanpaj apamorqa.

³⁶ Phishqa kaj p'unchaypitaj Surisadaypata churin Selumielñataj Diosman qonanpaj apamorqa. Payqa Simeón jatun ayllumanta kuraj kaj kamachej karqa.

³⁷ Selumielqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, ch'aki mikhuy jaywanata Diosman jaywananpaj.

³⁸ Chantá qorimanta ruwasqa uj jatun wisllata qollarqataj inciensowan junt'ata. Chaytaj 110 gramo pesarqa.

³⁹ Q'olachispa Diosman jaywananpajtaj, uj torillota, uj carnerota, chantá uj watayoj corderota ima qollarqataj.

⁴⁰ Jucharayku Diosman jaywananpajtaj uj chivotawan apamullarqataj.

⁴¹ Diosman k'achata kawsakuy jaywanata jaywananpajtaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima qollarqataj. Chaykunata Surisadaypata churin Selumielqa Diosman qonanpaj apamorqa.

⁴² Sojta kaj p'unchaypitaj Deuelpata churin Eliasafñataj Diosman qonanpaj apamorqa. Payqa Gad jatun ayllumanta kuraj kaj kamachej karqa.

⁴³ Eliasafqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

⁴⁴ Qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.

⁴⁵ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

⁴⁶ Jucharayku Diosman jaywananpajtaj uj chivotawan apamullarqataj.

⁴⁷ Diosman k'achata kawsakuy jaywanata jaywananpaj apamullarqataj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima. Chaykunata Deuelpata churin Eliasaf Diosman qonanpaj apamorqa.

⁴⁸ Qanchis kaj p'unchaypitaj Amiudpata churin Elisamañataj Diosman qonanpaj apamorqa. Payqa Efraín jatun ayllumanta kuraj kaj kamachej karqa.

⁴⁹ Elisamaqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

⁵⁰ Qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.

⁵¹ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

⁵² Jucharayku Diosman jaywananpajtaj uj chivotawan apamullarqataj.

⁵³ Jinallataj Diosman k'achata kawsakuy jaywanata jaywananpaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima apamullarqataj. Chaykunata Amiudpata churin Elisama Diosman qonanpaj apamorqa.

⁵⁴ Pusaj kaj p'unchaypi Pedasurpata churin Gamalielñataj Diosman qonanpaj apamorqa. Payqa Manasés jatun ayllumanta kuraj kaj kamachej karqa.

⁵⁵ Gamalielqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

⁵⁶ Jinallataj qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.

⁵⁷ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

⁵⁸ Jucharayku Diosman jaywananpajrí uj chivotawan apamullarqataj.

⁵⁹ Jinallataj Diosman k'achata kawsakuy jaywanata jaywananpaj apamullarqataj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima. Chaykunata Pedasurpata churin Gamaliel Diosman qonanpaj apamorqa.

⁶⁰ Jisq'on kaj p'unchaypitaj Gedeonij churin Abidanñataj Diosman qonanpaj apamorqa. Payqa Benjamín jatun ayllumanta kuraj kaj kamachej karqa.

⁶¹ Abidanqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, ch'aki mikhuy jaywanata Diosman jaywananpaj.

⁶² Chantapis qorimanta ruwasqa uj jatun wisllata qollarqataj, inciensowan junt'ata. Chaytaj 110 gramo pesarqa.

⁶³ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

⁶⁴ Jinallataj jucharayku Diosman jaywananpaj uj chivotawan apamullarqataj.

⁶⁵ Chantá k'achata kawsakuy jaywanata Diosman jaywananpaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima qollarqataj. Chaykunata Gedeonij churin Abidán Diosman qonanpaj apamorqa.

⁶⁶ Chunka kaj p'unchaypi Amisadaypata churin Ajiezerñataj Diosman qonanpaj apamorqa. Payqa Dan jatun ayllumanta kuraj kaj kamachej karqa.

⁶⁷ Ajiezerqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

⁶⁸ Chantapis qorimanta ruwasqa uj jatun wisllata apamullarqataj, inciensowan junt'ata. Chaytaj 110 gramo pesarqa.

⁶⁹ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

⁷⁰ Jinallataj jucharayku Diosman jaywananpaj uj chivotawan apamullarqataj.

⁷¹ K'achata kawsakuy jaywanata Diosman jaywananpajtaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima qollarqataj. Chaykunata Amisadaypata churin Ajiezer Diosman qonanpaj apamorqa.

⁷² Chunka ujniyoj p'unchaypitaj Ocranpata churin Pagielñataj Diosman qonanpaj apamorqa. Payqa Aser jatun ayllumanta kuraj kaj kamachej karqa.

⁷³ Pagielqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yurutawan apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, ch'aki mikhuy jaywanata Diosman jaywananpaj.

⁷⁴ Chantapis qorimanta ruwasqa uj wisllata apamullarqataj, inciensowan junt'ata. Chaytaj 110 gramo pesarqa.

⁷⁵ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

⁷⁶ Jinallataj, jucharayku Diosman jaywananpaj uj chivotawan apamullarqataj.

⁷⁷ Chaymanta k'achata kawsakuy jaywanata Diosman jaywananpaj apamullarqataj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima. Chaykunata Ocranpata churin Pagiel Diosman qonanpaj apamorqa.

⁷⁸ Chunka iskayniyoj p'unchaypitaj Enanpata churin Ajirañataj Diosman qonanpaj apamorqa. Payqa Neftalí jatun ayllumanta kuraj kaj kamachej karqa.

⁷⁹ Ajiraqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yurutawan apamullarqataj. Chaytaj Dioswan Tinkukuna Toldopi chimpu churasqa kasqanman jina 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

⁸⁰ Chantapis qorimanta ruwasqa uj jatun wisllata apamullarqataj, inciensowan junt'ata. Chaytaj 110 gramo pesarqa.

⁸¹ Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

⁸² Jinallataj jucharayku Diosman jaywananpaj uj chivotawan apamullarqataj.

⁸³ K'achata kawsakuy jaywanata Diosman jaywananpajtaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima apamullarqataj. Chaykunata Enanpata churin Ajiraqa Diosman qonanpaj apamorqa.

⁸⁴ Chaykunata altarta Tata Diospaj t'aqashajtinku, Israel jatun ayllumanta kurajkuna apamorqanku: Chunka iskayniyoj qolqe metalmanta ruwasqa ch'illamita, chunka iskayniyoj qolqe metalmanta ruwasqa yuruta, chantá chunka iskayniyoj qorimanta ruwasqa jatun wisllatawan ima.

⁸⁵ Qolqe metalmanta ruwasqa sapa ch'illameqa 1.430 gramo pesarqa. Qolqe metalmanta ruwasqa sapa yurutaj 770 gramo pesarqa. Tukuyninpi Dioswan Tinkukuna Toldopi chimpu churasqa kasqanman jina, 26.400 gramo karqa.

⁸⁶ Jinallataj chunka iskayniyoj qorimanta ruwasqa jatun wisllakuna karqanku, sapa uj inciensoyojkama. Sapa ujtaj Dioswan Tinkukuna Toldopi chimpu churasqa kasqanman jina, 110 gramo pesarqa. Tukuy wisllakunaqa 1.320 gramo pesarqanku.

⁸⁷ Q'olachispa Diosman jaywanapaj uywakunataj karqanku chunka iskayniyoj torillokuna, chunka iskayniyoj carnerokuna, chantá uj watayojkama chunka iskayniyoj corderokuna ima. Sapa uj Diosman ch'aki mikhuy jaywanayojkama karqanku. Jucharayku Diosman jaywanapajrí tukuyninpi chunka iskayniyoj chivokuna karqanku.

⁸⁸ K'achata kawsakuy jaywanata jaywanapajtaj tukuyninpi karqanku iskay chunka tawayoj bueykuna, sojta chunka carnerokuna, sojta chunka chivokuna, chantá uj watayoj sojta chunka corderokuna ima. Altarta Diospaj t'aqashaspa Diosman qonankupaj apamusqanku jaywanaqa chaykuna karqanku.

⁸⁹ Chay qhepata Moisés Tata Dioswan parlananpaj, Dioswan Tinkukuna Toldoman yaykorqa. Chantá Moisesqa Dioswan trato ruwasqa arca patapi querubinkunaj chawpinmanta Tata Diospa parlamusqanta uyarerqa, nispa.