Malaquías 4 - DIOSPA QHELQACHISQ

Tata Diospa p'unchaynin

¹ 1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

² 2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

³ 3 (3.21) Wakichishani chay p'unchaypi qankunaqa millayta ruwaj runakunata ñut'u jallp'ata jina sarunkichej. Noqa Tukuy Atiyniyoj Tata Diosmin chayta nini.

⁴ 4 (3.22) Horeb orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.

⁵ 5 (3.23) Sumajta uyariwaychej: Noqaqa sut'inchaj Eliasta kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj.

⁶ 6 (3.24) Eliastaj tatakunaj sonqonkuta wawankukunawan allinyachenqa, jinallataj wawakunaj sonqonkutapis tatankukunawan. Mana jina kajtenqa, noqa jamuspa, tukuy suyuta jasut'isaj chinkachinaykama, nispa.