Biblia Todo Logo
Bìoball air-loidhne

- Sanasan -

Malaquías 1 - DIOSPA QHELQACHISQ


Tata Diosqa Jacobpa mirayninta munakun

1 Tata Diosqa Malaquiasnejta kay willayta Israel aylluman willarqa.

2 Tata Dios nin: Noqa qankunata munakuykichej, nispa. Qankunatajrí niwankichej: Imaynapi yachaykuman qan noqaykuta munakuwasqaykutari? nispa. Chantá Tata Dios kutichin: Esauqa Jacobpa wawqen karqa. Chaywanpis noqa Jacobta munakorqani, ajinallatataj qankunatapis munakuykichej.

3 Esautatajrí noqa qhesacharqani, paypa chayaqen orqorara jallp'antataj ch'in orqoman tukucherqani. Sumaj jallp'antapis k'ita alqokunallaña kawsanankupaj jina ruwarqani.

4 Esaúj mirayninmanta kajkuna ninkuman: Phirisqa karqanchej. Chaywanpis watej llajtanchejkunata sayachinallataj, nispa. Tukuy Atiyniyoj Tata Diosrí nenqa: Watej llajtankukunata sayarichinkuman chaypis, ujtawan phirillasajtaj. Chay edomitakunaj suyunkutaqa runakuna sutichanqanku: “Millayta ruwaj suyu”, chantá “Tata Diospa wiñaypaj chejnisqan runakuna”, nispa.

5 Qankunataj chayta rikuspa, ninkichej: Tata Diospa sutenqa Israel suyumanta astawan jaqaypipis uyarisqa kashan, nispa.


Tata Diosqa sacerdotekunata k'amin

6 Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

7 Qankunaqa altarniyman mana llimphupaj qhawasqa t'antata apamunkichej, chantá ninkichejraj: Imata ruwaspataj sonqoykita nanachiykuri? nispa. Qankunaqa sonqoyta nanachiwankichej, altarniyta pisipaj qhawaspa.

8 Onqosqa uywata, ñawsa kajta, chakin p'akisqa uywakunata ima apamuwasqaykichejqa allillanchu? Riychej ari, qankunata kamachejkunaman chay onqosqa uywakunata jaywamuychej. Chantá yachankichej paykuna chay jaywasqaykichej uywakunata kusisqachus jap'ikonqanku manachus, chayta.

9 Sacerdotekuna, Diosmanta mañakuychej khuyasunaykichejta. Chaywanpis, sichus chay jina ofrendata payman jaywankichej chayqa, ama yuyaychejchu Dios uyarinasuykichejta. Noqamin Tukuy Atiyniyoj Tata Dios chayta nini.

10 Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

11 Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

12 Qankunatajrí sonqoyta nanachiwankichej, imaraykuchus altarneyqa pisipaj qhawanalla kasqanta ninkichej, jinallataj noqaman jaywanatapis.

13 Qankuna nillankichejtaj: Kay ruwanawan amisqaña kayku, nispa. Chayta nispa, pisipaj qhawawankichej. Chantá yuyankichejraj kusikunayta, maypachachus noqaman apamuwankichej suwasqa uywata, chakin p'akisqata, chayrí onqosqatapis, chaypacha. Noqa Tukuy Atiyniyoj Tata Dios chayta nini.

14 Maldicisqa kachun, pichus sumajnin kaj uywata qonawanta nishaspa onqosqa kajta jaywawajqa, imaraykuchus noqa Kuraj Kamachejninku kani. Waj suyukunapitaj runakuna may jatun respetowan qhawawanku. Noqa Tukuy Atiyniyoj Tata Dios chayta nini.

Revisión Biblia Quechua Boliviano © Sociedad Bíblica Boliviana, 2017.

Bolivian Bible Society
Lean sinn:



Sanasan