Job 25 - DIOSPA QHELQACHISQ

Bildad Jobpa nisqanman kutichin

¹ Chaymanta Súa llajtamanta Bildad kutichispa, nerqa:

² Diosqa may jina atiyniyoj, manchachikunataj. Payqa janaj pachapi allin kawsayta churan.

³ Soldadonkunaqa mana yupay atina kanku. K'anchayninpis tukuypaj k'anchamun.

⁴ Runaqa Diospa ñawpaqenpi llimphu kayta atinmanchu? Mana pipis warmimanta paqarejqa juchamanta llimphuchu.

⁵ Diospa rikuyninpeqa ni killapis allinta k'anchanchu, nitaj ch'askakunapis llimphu kankuchu.

⁶ Tukuy runakuna mana imapis valenchejchu. Noqanchejqa khuru jinalla kanchej, nispa.