1 Crónicas 9 - DIOSPA QHELQACHISQ

¹ Ajinata tukuynin israelitakunaj sutinku, Israel suyuta chantá Judá suyuta kuraj kamachejkunaj qhelqankupi listasqa karqa. Judá suyumanta kajkunaqa Tata Diosta mana kasusqankurayku Babiloniaman wijch'usqa karqanku.

Babiloniamanta kutimpojkuna

² Ñawpajta kutimpuspa jallp'ankupi, chantá llajtankupi tiyakojkuna, wakin israelitakuna, levitakuna, sacerdotekuna, chantá Diospa Templonpi ruwajkuna ima karqanku.

³ Judá jatun ayllumanta, Benjaminpamanta, Efrainpamanta, chantá Manasés jatun ayllumanta wakinkuna Jerusalenpi tiyakaporqanku.

⁴ Judá jatun ayllunmanta karqanku: Utay, payqa Amiudpa churin karqa, paytaj Omrij churin karqa, paytaj Imrij churin karqa, paytaj Banij churin. Tukuy paykunaqa Judáj churin Farespa mirayninmanta karqanku.

⁵ Silonitakunamantataj karqanku kuraj kaj churin Asaías, wawankunapiwan ima.

⁶ Zerajpa mirayninmantataj karqanku: Jeuel, wawqenkunapiwan ima. Tukuypi 690 karqanku.

⁷ Benjamín jatun ayllunmanta karqanku: Mesulanpa churin Salú, Mesulanpa tatantaj Hodavías karqa, Hodaviaspa tatantaj Asenúa.

⁸ Ibneiastaj Jeroanpa churin karqa, Elataj Uzij churin, paytaj Micrij churin karqa, paytaj Mesulanpa churin, Mesulantaj Sefatiaspa churin karqa, Sefatiastaj Reuelpa churin, paytaj Ibneiaspa churin karqa.

⁹ Listasqa kasqankuman jina 956 karqanku, tukuyninkutaj wasi ayllukunamanta kamachejkuna karqanku.

¹⁰ Sacerdotekunamanta karqanku: Jedaías, Joyarib, Jaquín,

¹¹ chantá Azarías ima. Payqa Hilciaspata churin karqa, paytaj Mesulanpata churin, Mesulantaj Sadocpata churin karqa, paytaj Merayotpata churin, paytaj Ajitobpata churin karqa. Ajitobqa Diospa Templonpi kuraj kamachej.

¹² Adaiasqa Jeroanpata churin karqa, paytaj Pasjurpata churin, paytaj Malquiaspata churin karqa. Masayqa Adielpata churin karqa, Adieltaj Yazeraj churin, paytaj Mesulanpata churin karqa, paytaj Mesilemitpata churin, paytaj Imerpata churin karqa.

¹³ Paykuna ayllunkuwan ima 1.760 qharikuna karqanku, ayllunkumanta kamachejkuna. Chantá Diospa Templonpi imachus ruwanankuta ruwanankupaj sumaj yachayniyoj karqanku.

¹⁴ Levitakunamanta karqanku: Merarij mirayninmanta Semaías karqa. Payqa Jasubpa churin karqa, paytaj Azricanpa churin, paytaj Jasabiaspa churin karqa.

¹⁵ Jinallataj karqa Bacbacar, Heres, Galal, chantá Matanías ima. Payqa Micaíaj churin karqa, paytaj Zicrij churin, paytaj Asafpata churin karqa.

¹⁶ Abdiasqa Semaiaspata churin karqa, paytaj Galalpata churin, paytaj Jedutunpata churin karqa. Berequiasqa Asaj churin karqa, paytaj Elcanaj churin, jinataj netofatitakunaj llajtankupi tiyakorqa.

¹⁷ Templopi punkuta qhawajkunaqa karqanku: Salún, Acub, Talmón, Ajimán, wawqenkunapiwan ima. Saluntaj kamachejninku karqa.

¹⁸ Kunanpis kamachina wasej inti llojsimuynejpi punkuta qhawashallanpuni. Chaykuna levitakunaj jarankumanta punku qhawajkuna karqanku.

¹⁹ Salunqa Coréj churin karqa. Coretaj Ebiasafpata churin. Paytaj Coréj churin karqa. Payqa ayllunwan ima Diospa Temploj pationpa yaykuna punkunta qhawanankupaj churasqa karqanku, imaynatachus ñawpa tatankukunapis Tata Diospa jaranta qhawaj kasqanku, ajinata.

²⁰ Chaymanta aswan ñawpajtaqa Eleazarpa churin Finés paykunaj kamachejninku karqa. Tata Diostaj paywan karqa.

²¹ Meselemiaspata churin Zacariastaj Dioswan Tinkukuna Toldopi punkuta qhawaj karqa.

²² Tukuypi punkuta qhawanankupaj ajllasqakunaqa 212 karqanku, maypichus tiyakorqanku, chay llajtakunapi ayllunkuman jina listasqa kajkuna. Paykunata Davidwan, Diospa sut'inchajnin Samuelwan ima imachus ruwanankuta ruwanankupaj churarqanku.

²³ Paykuna chantá churinkuna ima ujtaj ujtaj mit'api Tata Dioswan Tinkukuna Toldoman yaykuna punkuta qhawaj kanku.

²⁴ Punkuta qhawajkunaqa tawantin ladopi: Inti llojsimuynejpi, inti yaykuynejpi, wichaynejpi, uraynejpi ima churasqa karqanku.

²⁵ Llajtankupi tiyakoj ayllunkoqa mit'anku chayamusqanman jina qanchis p'unchayta yanapaj rej kanku.

²⁶ Tawantin punku qhawajkuna mana jayk'aj saqespa qhawallajpuni kanku. Paykunaqa levitakuna karqanku, Diospa Templonpi kaj cuartokunata, jinataj qhapaj kaj imakunatawan qhawaj kanku.

²⁷ Paykunaqa tutan Diospa Templonpa muyuyninta qhawaj kanku, jinataj sapa paqarin punkuta kicharej kanku.

²⁸ Paykunamanta wakintaj churasqa karqanku, Diospa Templonpi yupaychanapaj imachus kajta qhawanankupaj. Chayrayku paykunaqa yupaspa orqhoj kanku, yupaspataj churaykapoj kanku.

²⁹ Wakintaj churasqa karqanku chuwakunata, qerukunata, Templopi imachus kajta qhawanankupaj. Jinallataj jak'uta, vinota, aceiteta, inciensota, sumaj q'apashaj jawinata ima qhawanallankupajtaj.

³⁰ Sacerdotekunamanta wakintaj sumaj q'apashaj jawinata ruwaj kanku.

³¹ Coréj ayllumanta Salunpa kuraj kaj churin Matatías churasqa karqa, sapa p'unchay Diosman jaywanapaj t'antata ruwananpaj. Payqa Leví jatun ayllumanta karqa.

³² Coatpata churinkunamanta wakin churasqa karqanku, sapa samarina p'unchaypi Diospaj t'aqasqa t'antata sinrullata churanankupaj.

³³ Kallarqankutaj takejkunapis levita ayllukunamanta kurajkuna. Paykunaqa Diospa Templonpi kaj cuartokunapi tiyakorqanku. Chantá imachus ruwanankuta tuta p'unchay ruwananku kasqanrayku, waj ruwanata mana ruwanankuchu karqa.

³⁴ Chaykuna levitakunaj ayllunkupi kamachejkuna karqanku, listasqa kasqankuman jina. Paykunataj Jerusalenpi tiyakorqanku.

Saulpa ayllun

³⁵ Gabaón llajtapi Yeguiel tiyakorqa. Payqa Gabaonpa tatan karqa. Gabaonpata warmintaj Macá sutiyoj karqa.

³⁶ Gabaonpata churinkunataj karqanku: Kuraj kaj Abdón, chantá Sur, Cis, Baal, Ner, Nadab,

³⁷ Gedor, Ajió, Zacarías, jinataj Miclot ima.

³⁸ Miclotqa Simanpata tatan karqa. Paykunaqa wawqenkunawan khuska Jerusalenpi tiyakorqanku.

³⁹ Ner sutiyoj runaqa Cispa tatan karqa, Cistaj Saulpa tatan karqa, Saultaj Jonatanpata, Malquisuajta, Abinadabpata, chantá Esbaalpata ima tatanku karqa.

⁴⁰ Jonatanpa churenqa Meri Baal karqa, paytaj Micaíaj tatan karqa.

⁴¹ Micaíaj churinkunataj karqanku: Pitón, Melec, Tarea, Ajaz ima.

⁴² Ajaztaj Jaraj tatan karqa, Jarataj Alemetpata, Azmavetpata, chantá Zimrijta ima tatanku karqa. Zimritaj Mosáj tatan karqa.

⁴³ Mosataj Binaj tatan karqa, paytaj Refaiaspata tatan, paytaj Elasaj tatan karqa, paytaj Azelpata tatan.

⁴⁴ Azelpata churinkunarí sojta karqanku: Azricán, Bocru, Ismael, Searías, Abdías, chantá Janán ima. Chaykuna Azelpata churinkuna karqanku.