1 Crónicas 4 - DIOSPA QHELQACHISQ

Judajpa miraynin

¹ Judajpata churinkuna karqanku: Fares, Jesrón, Carmi, Jur, chantá Sobal ima.

² Sobalpata churin Reaía karqa. Paytaj Yajatpa tatan karqa. Yajattaj Ajumaypata, Lajadpatawan tatanku karqa. Chaykuna soratitakunaj ayllunku karqanku.

³ Etampata churinkunatajrí karqanku: Jezrel, Isma, Ibdas ima. Paykunaj panankutaj Jaslelponí sutiyoj karqa.

⁴ Penueltaj Gedorpata Ezerpatawan tatanku karqa. Ezertaj Jusáj tatan karqa. Jurqa Efrataj kuraj kaj churin karqa, chantá Belenpa ñawpa tatantaj karqa.

⁵ Tecoaj tatan Asjurqa iskay warmiyoj karqa: Helawan, Narawan ima.

⁶ Naraqa Ajusanpata maman karqa, jinallataj Jeferpata, Temenijpata, Ajastarijtawan ima. Chaykuna Narajpata churinkuna karqanku.

⁷ Hela sutiyoj warminpitaj churinkuna karqa: Séret, Yesojar, chantá Etnán ima.

⁸ Cosqa Anubpata, Sobebajtawan tatanku karqa. Chantá Harunpata churin Ajarjelpa wawankunajta ñawpa tatanku karqa.

⁹ Jabesqa wawqenkunamanta aswan sumaj runa karqa, mamantaj Jabés sutiwan payta suticharqa: Kay wawata ancha nanaywan rejsini, nispa.

¹⁰ Jabestaj israelitakunaj Diosninmanta kay jinata mañakorqa: Yanapaway, jatun jallp'ata qonawaykita mañakuyki. Mañakullaykitaj yanaparinawaykita, tukuy sajra kajmantataj waqaychanawaykita, ama imata ñak'arispa kawsakunaypaj, nispa. Diostaj imatachus mañakusqanta qorqa.

¹¹ Sujá sutiyoj runaj wawqen Quelubqa Mehirpa tatan karqa. Mehirtaj Estonpa tatan karqa.

¹² Estontaj Bet Rafajta, Paseajpata, Tejinajtawan tatanku karqa. Payqa Najás llajtata sayaricherqa. Chaykuna Reca llajtapi tiyakorqanku.

¹³ Cenazpa churinkuna iskay karqanku: Otoniel, chantá Seraías ima. Otonielpa churinkunataj karqanku: Jatat, Meonotay ima.

¹⁴ Meonotayqa Ofráj tatan karqa. Seraiastaj Joabpa tatan karqa. Payqa Jarasín vallepi tiyakojkunaj ñawpa tatanku karqa. Paykunaqa tukuy imata ruwayta yachajkuna karqanku.

¹⁵ Yefunej churin Calebpa churinkunarí karqanku: Iru, Elá, Noam ima. Eláj churintaj Cenaz karqa.

¹⁶ Yalelelpata churinkunaqa karqanku: Zif, Zifa, Tirías, Asareel ima.

¹⁷ Esdraspata churinkunaqa karqanku: Jéter, Mered, Efer, Jalón ima. Meredqa faraonpa ususin Bitiawan casarakorqa, wawankunataj karqanku: María, Samay, Estemoaj tatan Isbaj ima.

¹⁸ Meredqa Judá jatun ayllumanta uj warmiwan casarakullarqataj. Payqa Gedorpa tatan, Jeredpata, jinataj Socojpa tatan Jeberpata, chantá Zanoajpa tatan Jecutielpatawan mamanku karqa. Kaykuna Bitia churinkuna karqanku, pichus faraonpa ususin karqa, paytaj Meredwan casarakorqa.

¹⁹ Hodiasqa Najanpa pananwan casarakorqa, paypitaj iskay churinkuna karqa: Keilaj tatan garmita nisqa, chantá macateo Estemoa ima.

²⁰ Simonpa churinkunatajrí karqanku: Amnón, Rina, Ben Janán, Tilón ima. Isguíj churinkunataj karqanku: Zojet, Ben Zojet ima.

²¹ Judáj churin Selajpata churinkunaqa karqanku: Lecaj tatan Er, Maresaj tatan Laada, jinataj Bet Asbea, pichus llajtapi linota awaspa kawsajkunaj tatanku karqa.

²² Jinallataj Selaj churinkuna karqanku: Joacín, Cozebapi tiyakojkuna, Joás, Saraf ima. Paykunaqa Moab llajtayoj warmikunawan casarakorqanku chantá Belenman kutimporqanku. Ajinata ñawpa qhelqasqapi nin.

²³ Chaykunaqa manka llut'ajkuna karqanku, tiyakorqankutaj Netaimpi, Gederapiwan ima. Paykunaqa kuraj kamachejpa kamachinkuna karqanku.

Simeonpa miraynin

²⁴ Simeonpata churinkuna karqanku: Nemuel, Jamín, Jarib, Zeraj, Saúl ima.

²⁵ Saulpa churin Salún karqa. Paypa churintaj Mibsán karqa, paypa churintaj Misma sutiyoj karqa.

²⁶ Mismaj churintaj Jamuel karqa. Paypa churintaj Zacur karqa. Paypa churintajrí Simey karqa.

²⁷ Simeypata churinkunaqa chunka sojtayoj karqanku, ususinkunataj sojta karqanku. Wawqenkunataj mana ashkha wawayojchu karqanku, chayrayku ayllunkoqa mana Judá jatun ayllu jinapunichu ashkha karqanku.

²⁸ Paykuna tiyakorqanku: Bersebapi, Moladapi, Jasar Sualpi,

²⁹ Bilapi, Esenpi, Toladpi,

³⁰ Betuelpi, Jormapi, Siclagpi,

³¹ Bet Marcabotpi, Jasar Susinpi, Bet Biraypi, chantá Sagarayinpi ima. Chay llajtakuna David kamachiyta qallarinankama paykunajta karqa.

³² Chay jawa phishqa llajtayoj kallarqankutaj: Etam, Ayin, Rimón, Toquén, chantá Asán ima.

³³ Jinataj Baal cheqanejkama chay llajtakunaj muyuyninpi kaj llajtitakunapipis tiyakorqanku. Chaykuna ayllunkumanta oqharisqa lista karqa.

³⁴ Ayllumanta kurajkuna karqanku: Mesobab, Jamlec, Amasiaspa churin Josías,

³⁵ Joel, Josibiaspa churin Jehú. Josibiastaj Seraiaspata churin karqa. Seraiastaj Asielpata churin karqa.

³⁶ Asielpa waj churinkuna kallarqankutaj: Elioguenay, Jacoba, Yesojaías, Asaías, Adiel, Jesimiel, Benaías, chantá Ziza ima.

³⁷ Zizaqa Sifijpa churin karqa. Sifitaj Alonpa churin karqa. Alontaj Jedaiaspa churin karqa, Jedaiastaj Simeríj churin karqa. Simeritaj Semaiaspata churin karqa.

³⁸ Pikunaj sutinkuchus oqharisqa karqa, chaykuna ayllumanta kurajkuna karqanku. Ayllunkutaj maytapuni mirarqanku.

³⁹ Uywankupaj mikhunata mask'aspa, Gedor vallemanta inti llojsimuynejkama chayarqanku.

⁴⁰ Chaynejpitaj sumaj pastota ashkhata tarerqanku, jinallataj jatun jallp'ata, mana piwanpis ch'ajwaspa tiyakunapaj jina. Ñawpata chay cheqanejpi Campa mirayninmanta kajkuna tiyakusqanku.

⁴¹ Judá suyuta kuraj kamachej Ezequiaspa tiemponpi, pikunajtachus sutinku qhelqasqa karqa, chaykuna jamuspa, Cam ayllumanta kajkunaj toldonkuta wijch'orqanku. Chaypitaj paykunaj cuentankumanta tiyakorqanku, uywankupaj ashkha mikhuna kasqanrayku.

⁴² Jinallataj paykunamanta 500 runakuna Simeonpa mirayninmanta kajkunaqa Seir Orqoman riporqanku. Paykunaqa Pelatiaswan, Neariaswan, Refaiaswan, Uzielwan ima pusachikorqanku. Chaykunaqa Isguijpa churinkuna karqanku.

⁴³ Paykunaqa puchoj amalecitakunata wañucherqanku. Chaymantapachataj kunankama chaypi tiyakushanku.