1 Crónicas 3 - DIOSPA QHELQACHISQ

Davidpa churinkuna

¹ David Hebronpi tiyakushajtin, paqarej churinkunaqa kaykuna karqanku: Kuraj kajqa Amnón karqa, Jezrel llajtayoj warmin Ajinoanpata churin. Chaypa sullk'antaj Carmelmanta warmin Abigailpa churin Daniel karqa.

² Kinsa kajqa warmin Macáj churin Absalón karqa. Macataj Gesurmanta kuraj kamachej Talmaypa ususin karqa. Davidpa tawa kaj churintaj warmin Jaguitpa churin Adonías karqa.

³ Chaypa sullk'antaj warmin Abitalpi churin Sefatías karqa. Sojta kajtaj Eglapi churin Itreán karqa. Eglaqa Davidpa ujnin kaj warmin karqa.

⁴ Davidpa chay sojta churinkunaqa Hebronpi paqarerqanku. Davidqa Hebrón llajtamantapacha qanchis wata sojta killayojta kamacherqa. Chaymantataj Davidqa Jerusalenmantapacha kinsa chunka kinsayoj watata kamacherqa.

⁵ Jerusalenpitaj tawa churinkuna paqarerqanku: Simea, Sobab, Natán, chantá Salomón ima. Chaykuna Amielpa ususin Betsabé sutiyoj warminpi churinkuna karqanku.

⁶ Chay jawa jisq'on churinkuna kallarqankutaj: Ibejar, Elisama, Elifelet,

⁷ Noga, Nefeg, Jafía,

⁸ Elisama, Eliada, Elifelet ima.

⁹ Tukuy chaykuna Davidpata churinkuna karqanku. Chaywanpis ujnin warminkunapi kaj churinkunaqa mana yupasqachu karqanku. Tamartaj Davidpa churinkunaj pananku karqa.

Salomonpa miraynin

¹⁰ Salomonpata churinkuna kaykuna karqanku: Roboán, Abías, Asa, Josafat,

¹¹ Jorán, Ocozías, Joás,

¹² Amasías, Azarías, Yotán,

¹³ Ajaz, Ezequías, Manasés,

¹⁴ Amón, chantá Josías ima.

¹⁵ Josiaspata churinkunataj karqanku: Kuraj kaj Johanán, sullk'antaj Joacín, kinsa kajtaj Sedequías, tawa kajtaj Salún karqa.

¹⁶ Joacinpata churinkunataj karqanku: Jeconías, chantá Sedequías ima.

¹⁷ Karu suyuman apasqa karqa, chay Jeconiaspa churinkuna karqanku: Asir, Salatiel,

¹⁸ Malquirán, Pedaías, Senazar, Jecamías, Hosama Nedabías ima.

¹⁹ Pedaiaspa churinkunataj karqanku: Zorobabel, chantá Simey ima. Zorobabelpata churinkunataj karqanku: Mesulán, Jananías ima. Paykunaj panankutaj Selomit sutiyoj karqa.

²⁰ Jinallataj phishqa churinkunapiwan kallarqankutaj, sutinkutaj karqa: Jasubá, Ohel, Berequías, Jasadías, chantá Yusab Jésed ima.

²¹ Jananiaspa churinkunataj karqanku: Pelatías, chantá Jesaías ima. Jesaiaspa mirayninmanta kajkunataj karqanku: Refaías, Arnán, Abdías, Secanías ima.

²² Secaniaspa churenqa Semaías karqa. Semaiaspa churinkunataj karqanku: Jatús, Igal, Barías, Nearías, chantá Safat ima. Tukuypi sojta karqanku.

²³ Neariaspata churinkunataj kinsa karqanku: Elioguenay, Ezequías, chantá Azricán ima.

²⁴ Elioguenaypa churinkunataj qanchis karqanku: Hodavías, Eliasib, Pelaías, Acub, Johanán, Dalaías, Anani ima.