1 Crónicas 2 - DIOSPA QHELQACHISQAN DEUTEROCANONICAL

Israelpa churinkuna

¹ Israelpa churinkunaqa karqanku: Rubén, Simeón, Leví, Judá, Isacar, Zabulón,

² Dan, José, Benjamín, Neftalí, Gad, Aser ima.

Judajpa miraynin

³ Judajta churinkunataj karqanku: Er, Onán, Sela ima. Chay kinsa churinkunaj mamankoqa Canaán llajtayoj Súa sutiyojpa ususin karqa. Judajta kuraj kaj churin Erqa mana Diospa munasqanman jinachu purerqa. Chayrayku Tata Dios payta wañucherqa.

⁴ Judajta ñojch'an Tamartaj Judapaj iskay qhari wawayoj karqa: Fares chantá Zeraj ima. Tukuyninpi Judajta churinkunaqa phishqa karqanku.

⁵ Farespa churinkunataj karqanku: Jesrón, Jamul ima.

⁶ Zeraj churinkunarí karqanku: Zimri, Etán, Hemán, Calcol, chantá Dara ima. Tukuyninpi phishqa karqanku.

⁷ Carmij churenqa Achán sutiyoj karqa. Paymin israelitakunata llakiyman churarqa, imatachus Tata Dios kamacherqa kantumanta chinkachinankuta, chaymanta wakinta pakaykuspa.

⁸ Etanpa churintaj Azarías karqa.

⁹ Jesronpa churinkuna karqanku: Yeramel, Ram, Quelubay ima.

¹⁰ Ramtaj Aminadabpa tatan karqa. Aminadabtaj Nasonpata tatan karqa. Payqa Judáj mirayninmanta kamachejninku karqa.

¹¹ Nasonqa Salmonpata tatan karqa, Salmontaj Boozpa tatan karqa.

¹² Boozqa Obedpa tatan karqa, Obedtaj Yesejpata.

¹³ Yesejpata kuraj kaj churenqa Eliab karqa. Paypa sullk'antaj Abinadab karqa, Abinadabpa sullk'antaj Simea karqa.

¹⁴ Paypa sullk'antaj Natanael karqa, paypa sullk'antaj Raday karqa.

¹⁵ Paypa sullk'antaj Osén karqa, chaypa sullk'antaj David karqa.

¹⁶ Paykunaj panankutaj karqanku: Seruyá, Abigaíl ima. Seruyáj churinkunataj kinsa karqanku: Abisay, Joab, Asael ima.

¹⁷ Abigailpatarí ujlla churin karqa Amasa sutiyoj. Paypa tatan Ismaelpa mirayninmanta kaj Jéter sutiyoj karqa.

¹⁸ Jesronpa churin Calebqa iskay warmiyoj karqa: Azuba, chantá Jeriot ima. Paykunapitaj churinkuna karqanku: Jeser, Sobab, chantá Ardón ima.

¹⁹ Azuba wañupojtintaj, Calebqa Efrata sutiyoj warmiwan casarakorqa, paypitaj uj churin karqa Jur sutiyoj.

²⁰ Jurpa churintaj Uri karqa, Urij churintaj Besalel karqa.

²¹ Jesrón sojta chunka watayoj kashaspa, Galaadpa tatan Maquirpa ususinwan casarakorqa. Paypitaj uj churin karqa Segub sutiyoj.

²² Segubtaj Yairpa tatan karqa. Payqa Galaadpi iskay chunka kinsayoj llajtakunamanta dueño karqa.

²³ Gesurwan, Aramwanqa Yairpata, chantá Kenatpata ima llajtankuta, chantá muyuyninpi kaj llajtitakunatawan jap'ikaporqanku, tukuyninpi sojta chunka llajtakuna karqanku. Tukuy paykunaqa Galaadpa tatan Maquirpa mirayninmanta karqanku.

²⁴ Jesrón wañupusqanmanta qhepata Efrata llajtapi Calebqa tatanpa warmin Abiaswan casarakorqa, paypitaj churin Asjur sutiyoj karqa, paytaj Tecoaj tatan karqa.

²⁵ Jesronpa kuraj kaj churin Yeramelpata churinkuna karqanku: Kuraj kajpa sutin Ram karqa, sullk'ankunaj sutintaj Buna, Orén, Osén, Ajías ima karqa.

²⁶ Yeramelpata ujnin warmin kallarqataj Atara sutiyoj, chaytaj Onampa maman karqa.

²⁷ Yeramelpa kuraj kaj churin Rampa churinkunataj karqanku: Magás, Jamín, Equer ima.

²⁸ Onampa churinkunataj karqanku: Samay, Yadá ima. Samaypa churinkunatajrí karqanku: Nadab, Abisur ima.

²⁹ Abisurpa warmenqa Abijaíl sutiyoj karqa, paytaj Ajbanpata, chantá Molidpata ima mamanku karqa.

³⁰ Nadabpa churinkuna karqanku: Seled, Apayin ima. Seledqa mana wawayoj wañuporqa.

³¹ Apayinpa churenqa Isguí karqa. Isguíj churintaj Sesán karqa. Sesanpa churintaj Ajlay karqa.

³² Samaypa wawqen Yadáj churinkunataj karqanku: Jéter, Jonatán ima. Heterqa mana wawayoj wañuporqa.

³³ Jonatanpa churinkunataj karqanku: Pelet, chantá Zaza ima. Chaykuna Yeramelmanta mirajkuna karqanku.

³⁴ Sesanpata mana churinkuna karqachu, ususinkunalla tiyaporqa. Jinapis Egipto llajtayoj uj wata runan tiyaporqa. Sutin Yarjá karqa.

³⁵ Sesanqa wata runan Yarjata ujnin ususintawan casaracherqa. Paytaj Ataypa maman karqa.

³⁶ Ataytaj Natanpa tatan karqa. Natantaj Zabadpa tatan karqa.

³⁷ Zabadtaj Eflalpa tatan karqa. Eflaltaj Obedpa tatan karqa.

³⁸ Obedtaj Jehupata tatan karqa. Jehutaj Azariaspa tatan karqa.

³⁹ Azariastaj Helespa tatan karqa. Helestaj Elasaj tatan karqa.

⁴⁰ Elasataj Sismaypa tatan karqa. Sismaytaj Salunpa tatan karqa.

⁴¹ Saluntaj Jecamiaspa tatan karqa. Jecamiastaj Elisamaj tatan karqa.

⁴² Yeramelpa wawqen Calebpata churinkuna karqanku: Kuraj kaj churin Mesa, paytaj Zifpa tatan karqa, Ziftaj Maresajta tatan karqa. Paytaj Hebronpa tatan karqa.

⁴³ Hebronpata churinkunataj karqanku: Coré, Tapuaj, Requén, Semá ima.

⁴⁴ Semaqa Rajanpa tatan karqa. Paytaj Jorcoanpa tatan karqa. Requentaj Samaypa tatan karqa.

⁴⁵ Samaytaj Maonpa tatan karqa, Maontaj Betsurpa tatan karqa.

⁴⁶ Calebpa ujnin warminpa sutenqa Efa karqa, chay warmipitaj churinkuna karqanku: Jarán, Mosá, Gazez ima. Jarantaj churinta Gazez sutiwan suticharqa.

⁴⁷ Yadaypata churinkunataj karqanku: Reguén, Yotán, Gesam, Pelet, Efa, Sagaf ima.

⁴⁸ Calebpa ujnin warmin Macataj Seberpata, chantá Tirjanajta ima mamanku karqa.

⁴⁹ Jinallataj Macaqa Sagafpa mamallantaj karqa. Sagaftaj Madmanajta, chantá Sevajta ima tatanku karqa. Paytaj Macbenajtawan, Gibeajtawan tatanku karqa. Calebpata uj ususin Acsa sutiyoj kallarqataj.

⁵⁰ Chaykuna Calebpata churinkuna karqanku. Efratajta kuraj kaj churin Jurpa churinkuna karqanku: Sobal, paytaj Quiriat Yearinpa tatan karqa.

⁵¹ Chantá Belenpa tatan Salmá, Bet Gaderpa tatan Jaref ima.

⁵² Quiriat Yearinpata tatan Sobalpa churinkunataj karqanku: Haroe, menajatitakunamanta khuskannin,

⁵³ jinataj Quiriat Yearinpa ayllunmanta itritakuna, futitakuna, sumatitakuna, misraitakuna ima karqanku. Chaykunamantataj soratitakunawan, estaolitakunawan ima karqanku.

⁵⁴ Salmáj churinkunataj karqanku: Belén, netofatitakuna, Aterot Bet Joab, menajatitakunamanta khuskannin, chantá soreitakuna ima.

⁵⁵ Jabespi tiyakoj qhelqerikunaj ayllunku karqanku: Tirateokuna, simeateokuna, chantá sucateokuna ima. Chaykuna kanku quenitakuna, Jamatmanta mirajkuna. Jamatqa Bet Recabpa ayllunpa tatan karqa.