Si Apwesa 17 - Buki Tabu Lowaenei 1919

‘UPWA 17.

¹ Ta Iseraela tubunao ‘idi egogona maibo‘ana si tauia mitawa Sina ‘enega, ‘idi ‘ebetautauia ‘ediega, na‘ieana Ieoba ‘ina ona, ta Repidima ‘ena si ‘abi anua; ta nigea ‘e bweu boasi be tomota si da numa.

² Ta ‘enega tomota Mose ma‘enao si ‘egewagewana, ta si gwae, Boasi ‘u da ‘ebwa‘ema be ‘a da numa. Ta Mose ‘i eonedi, To‘ase manuna wa gewagewana ‘eguia? Mwa‘adega Ieoba wa toona?

³ Ta tomota boasi manuna tonaadi ‘i iapasa; ta tomota si onaonaolilisana Mose ‘enaia, ta si gwae, To‘ase manuna u ‘au‘ewatu‘eiemama Aigupitoega, be ‘u loemwawasima ta natumao ta ‘ima bulomakau tona‘ama ‘idi iapasa ‘enega?

⁴ Ta Mose ‘i bwau Ieoba ‘enaia, ‘i gwae, To‘ase ia da guinua tomota gete ‘edia? ‘i abe si lo‘ibwe‘ibwegu.

⁵ Ta Ieoba ‘i ona Mose ‘enaia, Tomota matadia ‘u da ‘ataona, ta ma‘ieaio Iseraela ‘ana ‘inapwanao ‘ediega ‘u da ‘au‘ewedi; ta ‘imu keweliwelili, ‘enega boasi ‘u ununa, nimamuiega ‘u da ‘ewa, ta ‘u da tauia.

⁶ U ‘ita, nada ia da tooro matamuia gurewa ‘enaia Oreba ‘ena; ta gurewa ‘u da ununa, ta boasi ‘enega ‘i da apwesama, be ‘enega tomota si da numa. Ta Mose ‘i guinua nadigega Iseraela ‘ana inapwanao matadia.

⁷ Ta esena nina ‘i eesena Masa, ta Meriba, Iseraela tubunao ‘idi gewagewana manuna, ta Ieoba si toona manuna, si gwae, Ieoba ‘i miami gamwagamwanidaia, nai nigea?

⁸ Ga Amaleka ‘i mai, ta si losaia Iseraela ma‘ieana, Repidima ‘enaia.

⁹ Ta Mose ‘i ona Iosua ‘ena, Tai ‘u da ‘ita‘esi‘esinuedi, ta ‘u da tauia, Amaleka ma‘emi wa da losaia: gibua‘i ‘oea debanaia ia da tooro Eaubada ‘ina keweliwelili ia da giiaina nimaguia.

¹⁰ Ga Iosua ‘i guinua na‘ieana Mose ‘i ona ‘enaia, ta Amaleka ma‘ieana si losaia: ta Mose, Aarona, ta Ura si tu‘e ‘oea debanaia.

¹¹ Ta gete ‘i apwesa, ‘ena Mose nimana ‘i gilagasi, ga Iseraela ‘i ewaiwai: ta ‘ena nimana ‘i gimwa‘utena, Amaleka ‘i ewaiwai.

¹² Ta Mose nimana si lo‘ame‘ame; ta gurewa si ‘ewena, ta ‘agaraunaia si sa‘u, ta ‘ena ‘i miatoa; ta Aarona ta Ura nimana si gitu‘eiena, ‘e bweu tai ‘e bweu esena, ta ‘e bweu tai mariesena; ta nimana si pa‘ara ga sinara ‘i sugua.

¹³ Ta Iosua Amaleka ta ‘ina tomota ‘i gieto‘umaliedi sisi‐saia tupitupinega.

¹⁴ Ta Ieoba ‘i ona Mose ‘enaia, Gete ‘u da ‘etoladina ‘ebenua‘i‘isi manuna buki ‘ena, ta Iosua tenanaia ‘u da ona ‘ena: ‘aene Amaleka ‘ana ‘ebenua‘i‘isi ia da kweu ‘ai‘ailina garewa ‘ubunega.

¹⁵ Ta Mose ‘ebetaria i ‘abina, ta ‘i eesena Ieoba‐nisi:

¹⁶ Ta ‘i gwae, Ieoba ‘i ona‘upa‘upa: Ieoba ‘i da Iosaia Amaleka ma‘ieana epata‐tomota ga epata‐tomota.