Salamo 87 - Buki Tabu Lowaenei 1919

SALAMO 87.

¹ ‘Ina ‘autui ‘oea ‘e‘etabudi ‘edia ‘i miami.

² Ieoba Siona ‘ina ‘awaiao ‘i nuanuana sinabwa wawasae Iakobo ‘ina anua iauiaudi ‘edia.

³ Iage esaesaiao si ‘ina‘inana manuio, ‘Oio Eaubada ‘ina ‘asa sinabwana. (Sela.)

⁴ Raaba ta Babulonia ia da ‘inanedi ‘aene taudi ‘edia si mwaramwaratonigu: Pilisitia, ta Turo, Etiopia ma‘enao wa da ‘itadi; Tauna gete ‘ena ‘i tubua.

⁵ Tamo, Siona manuna si da gwae, Tauna gete ta tauna gote ‘ena ‘i tubua; To To Lo‘etana Sana tauna i da giepa‘arina.

⁶ Ieoba ‘i da sawa, ‘ena tomota i ‘etoladidi, Tauna gete ‘ena ‘i tubua. (Sela.)

⁷ Taudi si wari ta taudi wate si laulausa si da gwae, ‘Igu wewerupwa iauiaudi ‘emuia si miami.