Salamo 8 - Buki Tabu Lowaenei 1919

SALAMO 8.

¹ Ieoba ie, ‘ima ‘Inapwana, ‘Amu esana ‘i bobo‘ai‘ailina bare‘u maibo‘ana ‘enaia! Tauio ‘imu esaesa ni‘atu ‘u sa‘u tu ‘e garewaia.

² Meameadi ta to‐numa‐susu ‘awadia waiwai ‘u giepa‘arina, ‘Amu tarauwarao manudi, Be ‘enega tarauwara ta toe‘isa ‘u da gienonodi.

³ ‘Ena ‘imu garewa ia nuedi, nimamatagigio ‘idi guinua, Nawarae ta kwadimao, taudi ni‘atu ‘u sa‘u ‘ai‘ailidi;

⁴ To‘ase tai, ga ‘enega manuna ‘u nuanua? Ta tai natuna, ta ‘enega ‘u mai sabi ‘itana?

⁵ Ni‘atu ‘u bubuna Eaubada ‘ena ‘i lo‘ubuna gidarina ta ‘enega, Ta esaesa ta ‘amaiaba ‘ediega ‘u peaulina.

⁶ ‘U bubuna be nimaio ‘idi guinua ‘i da loinedi; Iage iauiauna ni‘atu ‘u sa‘una ‘aena ‘ubunidia:

⁷ Sipi ta bulomakau iauiaudi, Tamo, ta bomitawaiao;

⁸ Mwatui manuaninao, ta ora ianinao, Ta to‘ase nai ora ‘adi ‘edao ‘i rubwaredi.

⁹ Ieoba ie, ‘ima ‘Inapwana, ‘Amu esana ‘i bobo‘ai‘ailina bare‘u maibo‘ana ‘enaia!