Salamo 70 - Buki Tabu Lowaenei 1919

SALAMO 70.

¹ Eaubada ie, u da lomanini be ‘u da ‘etoseegu; Ieoba ie, ‘u da lomanini be ‘u da lemegu.

² Taudi iaruiaruagu si ‘ebe‘ebesa Si da omaiamaia be si da mia geiogeioi: Taudi ‘igu esilae manuna si eguausoara Si da ‘ilawa ta ‘ebesinara si da loba.

³ Taudi si gwae, Ee, Ee, Si da ‘ilawa ‘idi omaiamaia manuna.

⁴ Iauiaudi si ‘ebeseio si da guausoara ta si da uiawana ‘emuia; Ta taudi nadigega ‘imu ‘etoseana si nuanuana si da onaona ataia, Eaubada ta da ‘awasinabwaei.

⁵ Ta ‘abo‘agu gomabeso ta kakaegu; Eaubada ie, ‘u da lomaninima ‘eguia: ‘Oio ‘igu lema ta ‘agu to ‘etoseana; Ieoba ie, gea‘abo ‘u so‘iso‘i.