Salamo 67 - Buki Tabu Lowaenei 1919

SALAMO 67.

¹ Eaubada ‘u da ‘atenua‘ole‘oleiema, ta ‘u da onaobobomema, Ta maniniio ‘u da giesae ‘emaia; (Sela.)

² Be ‘enega ‘imu ‘eda si da mwaratoni bare‘u ‘enaia, ‘Imu ‘etoseana ‘ebeloina iauiauna ‘edia.

³ Tomotaiao si da tupuio, Eaubada ie; Tomotaiao iauiaudi si da tupuio.

⁴ ‘Ebeloinao si da uiawana ta si da wari guausoara manuna; Tomotaiao ‘u da loina etara‘ai‘ailega, Ta ‘ebeloinao ‘u da loinedi bare‘u ‘enaia. (Sela.)

⁵ Tomotaiao si da tupuio Eaubada ie; Tomotaiao iauiaudi si da tupuio.

⁶ Bare‘u ‘ina sinabwa ni‘atu ‘i uaua: Eaubada, tuga tauda ‘ida Eaubada, ‘i da onaobobomeda.

⁷ Eaubada ‘i da onaobobomeda: Ta bare‘u ‘ina ‘ebelosaroniao iauiaudi si da matautena.