Salamo 62 - Buki Tabu Lowaenei 1919

SALAMO 62.

¹ Iaruiaruagu ‘i mia enonomo Eaubada ‘enaia: Tauna ‘enega ‘agu ‘etoseana ‘i mai.

² Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu sinabwana.

³ Tuta eisa tai wa da ununa, Be wa da loemwawasina, iauiaumi, ‘Atua pita ‘i bwago, nai ‘ari ‘i loniu?

⁴ Si wasegiginamo be ‘ina bobo‘ai‘ailinega si da ‘ausepara mwa‘utena; Ona kabokabo ‘idi ‘ebe‘eguausoara: ‘Awadiega si onaoboboma, ta ‘atediega si elia. (Sela.)

⁵ Iaruiaruagu, ‘u da mia enonomo Eaubada ‘enaia; ‘Igu nuaiaina tauna ‘enega ta ‘enega.

⁶ Tauna tebweuna ‘igu gurewa ta ‘agu ‘etoseana: Tauna ‘igu anua ‘etosorana; gea‘abo ia da loniu.

⁷ ‘Agu ‘etoseana ta ‘igu esaesa Eaubada ma‘ieana ta ‘enega: ‘Igu pa‘arina ‘ina gurewa, ta ‘igu ‘ebedena, Eaubada ‘enaia.

⁸ ‘Omi tomota, tuta iauiauna ‘ena wa da ‘emisa; ‘Atemi wa da siwa matanaia: Eaubada ‘ebedena manuda. (Sela.)

⁹ Ona ‘aiaila tai gomabeso ‘awaiauiauwa tuga, ta tai esaesa onakabokabo. ‘Ebekuge ‘ena si da tu‘e; Rererea si kapekapeana wawasae iage besobeso ‘enaia.

¹⁰ Giemwau gea‘abo ‘ena wa da ‘emisa, Ta gea‘abo wa da gagasa ‘oae ‘enaia: ‘Abo gwegwe si sinabwa, ‘atemi gea‘abo ‘edia ‘i da abaabara.

¹¹ Eaubada ni‘atu ‘i ona ma‘ebweuna, Ma rua ni‘atu gete ia nonona: ‘Aene waiwai Eaubada ‘ina iage:

¹² Wate, Inapwana ie, nua‘ole‘ole ‘imu iage: Tai ‘ebweuna ‘ebweuna ‘ina guinua na‘ieana u ‘ebwaena ta ‘enega.