Salamo 61 - Buki Tabu Lowaenei 1919

SALAMO 61.

¹ Eaubada ie, ‘igu bwau ‘u da nono; ‘Igu sidasida ‘ena ‘u da sana‘ilama.

² Bare‘u ‘ina ‘ebelosaroniega ia da bwau ‘emuia, ‘ena ‘ategu ‘i loemwawasi: Gurewa ‘i lo‘etanasinegu ‘ena ‘u da ‘au‘ewegu.

³ ‘Oio ni‘atu ‘ebedena manugu, Anua ‘etosorana pa‘arina tarauwara ‘enega.

⁴ ‘Imu anua‐tabenakele ‘ena ia da mia ataia; Papemuao iauiaukwadi ‘ena ia da dena. (Sela.)

⁵ ‘Oio, Eaubada ie, ‘igu ona‘upa‘upa ni‘atu ‘u nonona ta ‘enega: Taudi ‘amu esana si ‘amaiabena ‘adi ‘egu‘eguiai ni‘atu u ‘ebwaegu.

⁶ King iawasina ‘u da giedudura: ‘Ina iakwarao si da ‘atua ‘epata tomota iauiauna.

⁷ Eaubada matanaia ‘i da mia ataia; Nua‘ole‘ole oboboma ta ona ‘ai‘aila ‘u da sa‘u ‘ai‘aili, be ‘enega si da giebobo‘anena.

⁸ Ta ‘enega, ‘amu esana ‘ena ia ‘da wari tuputupu ataia, Be ‘enega ‘igu ona‘upa‘upa ia da bubudi asiata iauiauna.